- 2018-11-14 03:50:00
- ចរាចរណ៍
ផ្លូវជាតិ១ខ្សែ នឹងបញ្ចប់ការជួសជុលបឋម ឲ្យហើយមុនបុណ្យសមុទ្រ
- 2018-11-14 03:50:00
- ចំនួនមតិ 0 | ចំនួនចែករំលែក 0
ផ្លូវជាតិ១ខ្សែ នឹងបញ្ចប់ការជួសជុលបឋម ឲ្យហើយមុនបុណ្យសមុទ្រ
ចន្លោះមិនឃើញ
ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានចុះពិនិត្យស្ថានភាពការដ្ឋានជួសជុលថែទាំផ្លូវជាតិលេខ៤៨ ដែលរងការខូចខាតដោយជំនន់ទឹកភ្លៀងកន្លងមក និងដើម្បីផ្ដល់ភាពងាយស្រួលឲ្យប្រជាពលរដ្ឋរធ្វើដំណើរ។
ឯកឧត្ដមទេសរដ្ឋមន្ត្រី ស៊ុន ចាន់ថុល បានមានប្រសាសន៍ថា ផ្លូវនេះនឹងត្រូវជួសជុលចប់សព្វគ្រប់ទាំងស្រុង នៅពាក់កណ្ដាលខែធ្នូ ឆ្នាំ២០១៨ខាងមុខនេះ ដើម្បីឱ្យប្រជាពលរដ្ឋអាចធ្វើចរាចរណ៍ និងដឹកទំនិញទៅកាន់ទីផ្សារបានឆាប់រហ័ស និងមានបរិមាណកើនឡើង។ ការជួសជុលនេះ ក៏ដើម្បីអបអរសាទរពិធីបុណ្យសមុទ្រដែលនឹងត្រូវ ធ្វើនៅលើទឹកដី ខេត្តកោះកុង នាចុងខែធ្នូខាងមុខ។
ឯកឧត្ដមបានបន្ថែមថា ផ្លូវនេះមានប្រវែង១៥០គីឡូម៉ែត្រ ចាប់ពីផ្លូវបំបែកស្រែអំបិល ទៅដល់ទីរួមខេត្តកោះកុង ហើយក្នុងចម្ងាយផ្លូវ១៥០គីឡូម៉ែត្រនេះ ផ្លូវប្រវែង៦៣គីឡូម៉ែត្រ ត្រូវទទួលរងការខូចខាតដោយជំនន់ទឹកភ្លៀង ការដឹកជញ្ជូនលើសទម្ងន់ កម្រិតកំណត់ និងកត្តាធម្មជាតិផ្សេងៗទៀត។
សូមបញ្ជាក់ថា កំណាត់ផ្លូវដែលរងការខូចខាត ប្រវែង៦៣គីឡូម៉ែត្រនេះ ត្រូវបានចែកចេញជា៩១កំណាត់ ដើម្បីជួសជុលដោយអង្គភាពធំៗ ចំនួនបី។
ក្នុងនោះ រួមមាន នាយកដ្ឋានគ្រឿងចក្រ និងស្ថាបនាផ្លូវ នាយកដ្ឋានជួសជុល និងថែទាំផ្លូវថ្នល់ និងនាយកដ្ឋានវិស្វកម្ម នៃក្រសួងការពារជាតិ។ ការជួសជុល នឹងប្រើប្រាស់គ្រឿងចក្រ ប្រមាណ៤០០គ្រឿង រួមនឹងថវិកាជាតិ សរុបប្រមាណ១២លានដុល្លារអាម៉េរិក។
