- 2018-11-14 10:25:17
- សេដ្ឋកិច្ច
ទីបំផុត! វិធីពន្លូតអាជីវកម្មដែល NASA, Google ធ្លាប់ប្រើ មាននៅខ្មែរហើយ
- 2018-11-14 10:25:17
- ចំនួនមតិ 0 | ចំនួនចែករំលែក 0
ទីបំផុត! វិធីពន្លូតអាជីវកម្មដែល NASA, Google ធ្លាប់ប្រើ មាននៅខ្មែរហើយ
ចន្លោះមិនឃើញ
មានដើមកំណើតពីប្រទេសដាណឺម៉ាក Lego ត្រូវបានទទួលស្គាល់ជាពិភពលោកថា ជាក្រុមហ៊ុនលក់ប្រដាប់ប្រដាក្មេងលេងដ៏ល្បីល្បាញមានដូចជា ផលិតដីឥដ្ឋ និងឧបករណ៍តភ្ជាប់ធ្វើពីប្លាស្ទិក ដែលរបស់លេងទាំងអស់នោះបានក្លាយជាវីធីសាស្ត្រអប់រំថ្មីមួយ ហៅថា Lego Serious Play (LSP) ដែលត្រូវបានយកមកប្រើប្រាស់ និងអនុវត្តដើម្បីសម្របសម្រួលក្នុង កម្មវិធីសិក្ខាសាលាបណ្តុះបណ្តាលផ្សេងៗនាពេលបច្ចុប្បន្ន។
ដំណើរការនៃការលេង LSP នេះ គឺជួយឲ្យអ្នកលេងអាចបញ្ចេញនូវការគិតរបស់ពួកគាត់ចេញមកក្រៅ និងអាចបញ្ចេញនូវភាពច្នៃប្រឌិតដែលជាផលប្រយោជន៍ដល់ក្រុមហ៊ុនទៀត។
អស់ជាច្រើនទសវត្សមកហើយដែល LEGO® បានជំរុញឲ្យកុមារកសាងនូវក្តីសុបិន្តរបស់ពួកគេ។ ដូចគ្នាផងដែរ វិធីសាស្ត្រ LSP នេះបានស្វែងយល់ថាមនុស្សពេញវ័យក៏អាចកសាងចក្ខុវិស័យរបស់ពួកគេ និងអាចពិភាក្សាអំពីយុទ្ធសាស្ត្រនាពេលអនាគតសម្រាប់អាជីវកម្មរបស់ពួកគេផងដែរ។ បន្ទាប់ពីបានសាកល្បងអស់រយៈពេលជាង ២០ឆ្នាំ នៅជុំវិញពិភពលោកទាំងស្ថាប័ន និងក្រុមហ៊ុន រាប់ទាំង NASA, Google, Toyota, និង សាកលវិទ្យាល័យ Harvard បានប្រើវិធីនេះដើម្បីប្រមូលគំនិត និងដំណោះស្រាយរាល់បញ្ហាដែលពួកគេជួបប្រទះក្នុងអាជីវកម្មរបស់ពួកគេ។
អស់រយៈពេលជាង ៦ខែកន្លងមកនេះលោក Yusuke Morotomi គឺជាដៃគូពាណិជ្ជកម្មក្រុមហ៊ុន Solidus និងជានាយកប្រតិបត្តិការ បាននៅចាកចេញពីប្រទេសកម្ពុជា ដើម្បីសិក្សា និងខិតខំប្រឹងប្រែងអនុវត្តវិធីសាស្ត្រ LSP ក្នុងការសម្របសម្រួលសិក្ខាសិលាបណ្តុះបណ្តាល និងកិច្ចប្រជុំមួយចំនួន។ ដោយសារទទួលបានការបណ្តុះបណ្តាលជាមួយគ្រូជំនាញរបស់ LSP គឺលោក Yusuke ក៏ត្រូវបានទទួលស្គាល់ជាអ្នកសម្របសម្រួល LSP ផ្លូវការដ៏ចំណានម្នាក់។ លោកក៏បានដុះខាត់ជំនាញនេះ នៅប្រទេសកំណើតតាមរយៈសិក្ខាសិលាបណ្តុះបណ្តាលជាច្រើន។
ពេលនេះ លោកក៏បានអនុវត្តពីវិធីសាស្ត្រទាំងនេះ ជាមួយនឹងក្រុមការងារ Solidus របស់លោកផ្ទាល់ ដើម្បីរកឲ្យឃើញពីគំនិតអាជីវកម្មរបស់ពួកគេ តាមរយៈអនុវត្តវិធីសាស្ត្រ LEGO® SERIOUS PLAY® នេះផងដែរ។
សិក្ខាសិលាបណ្តុះបណ្តាលនេះ ត្រូវបានអនុវត្តម្តងហើយម្តងទៀត នឹងត្រូវដាក់ឱ្យដំណើការដល់អតិថិជននៅឯរាជធានីភ្នំពេញ។ នាពេលឆាប់ៗនេះ ក្រុមហ៊ុនក៏គ្រោងនឹងពង្រីកទៅដល់ សាលារៀន សាកលវិទ្យាល័យ អង្គការក្រៅរដ្ឋាភិបាលនានានានៅក្នុងប្រទេសកម្ពុជា និងរាជរដ្ឋាភិបាលផងដែរ។
សម្រាប់ក្រុមដែលមានចំណាប់អារម្មណ៍ពីការរៀនអំពីវិធីសាស្ត្រ Lego Serious Play អាចទំនាក់ទំនងទៅ លោក Yusuke Morotomi ផ្ទាល់ តាមរយៈ អ៊ីម៉ែល៖ yusuke@solidusasia.com៕