- 2018-11-16 06:57:47
- ព័ត៌មាន
លោក ប្រាយុទ្ធ ទទួលញញួរនិមិត្តរូប ត្រៀមធ្វើជាប្រធានអាស៊ានឆ្នាំ២០១៩
- 2018-11-16 06:57:47
- ចំនួនមតិ 0 | ចំនួនចែករំលែក 0
លោក ប្រាយុទ្ធ ទទួលញញួរនិមិត្តរូប ត្រៀមធ្វើជាប្រធានអាស៊ានឆ្នាំ២០១៩
ចន្លោះមិនឃើញ
ថៃនឹងត្រូវធ្វើជាប្រធាននៃកិច្ចប្រជុំកំពូលអាស៊ានឆ្នាំ២០១៩ ក្រោយពីលោក ប្រាយុទ្ធ ចាន់អូចា នាយករដ្ឋមន្រ្តីថៃ បានទទួលញញួរនិមិត្តរូប ពីលោក លី សៀនឡុង នាយករដ្ឋមន្រ្តីសិង្ហបុរី ក្នុងពិធីបិទកិច្ចប្រជុំកំពូលអាស៊ានលើកទី៣៣ នៅសិង្ហបុរី កាលពីថ្ងៃទី១៥ ខែវិច្ឆិកា ឆ្នាំ២០១៨។ នេះបើតាមការបង្ហោះនៅលើទំព័រហ្វេសប៊ុកសម្តេចនាយករដ្ឋមន្រ្តី ហ៊ុន សែន។
ជាមួយគ្នានេះ លោក ប្រាយុទ្ធ បានយាង និងអញ្ជើញបណ្តាមេដឹកនាំអាស៊ានទាំងអស់ ឱ្យចូលរួមកិច្ចប្រជុំកំពូលឆ្នាំ២០១៩ នៅប្រទេសថៃ ដើម្បីផលប្រយោជន៍ និងការរីកចម្រើនសម្រាប់តំបន់អាស៊ាននេះ។
គួរបញ្ជាក់ថា កិច្ចប្រជុំកំពូលអាស៊ានលើកទី៣៣នេះ ធ្វើឡើងក្រោមប្រធានបទ «ភាពរឹងមាំ និងនវានុវត្តន៍របស់អាស៊ាន» ដែលសិង្ហបុរី ធ្វើជាប្រធាននៃកិច្ចប្រជុំ។ ទន្ទឹមនឹងនេះ សម្តេចនាយករដ្ឋមន្រ្តី ហ៊ុន សែន បានចាត់ទុកកិច្ចប្រជុំកំពូលនេះថា ទទួលបានលទ្ធផលវិជ្ជមានល្អ សម្រាប់កម្ពុជា និងប្រទេសសមាជិកអាស៊ានទាំងមូល៕
