- 2018-11-16 10:34:45
- ព័ត៌មាន
ប៉ុណ្ណេះលែងឈឺក្បាល! Grab មានសេវាគ្រប់គ្រងចំណាយ ប្រចាំក្រុមហ៊ុន ៣០ផ្សេងទៀត
- 2018-11-16 10:34:45
- ចំនួនមតិ 0 | ចំនួនចែករំលែក 0
ប៉ុណ្ណេះលែងឈឺក្បាល! Grab មានសេវាគ្រប់គ្រងចំណាយ ប្រចាំក្រុមហ៊ុន ៣០ផ្សេងទៀត
ចន្លោះមិនឃើញ
Grab ដែលជាក្រុមហ៊ុនផ្ដល់សេវាកក់ការធ្វើដំណើរឈានមុខគេនៅក្នុងតំបន់អាស៊ីអាគ្នេយ៍ បានដាក់ចេញនូវដំណោះស្រាយថ្មីសម្រាប់ក្រុមហ៊ុននានា ជាមួយនឹងកម្មវិធីឈ្មោះថា Grab for Business ជាកម្មវិធីគ្រប់គ្រងការចំណាយក្នុងការធ្វើដំណើរ ដែលត្រូវបានបង្កើតឡើងសម្រាប់អ្នកប្រើប្រាស់ក្នុងបំណងធ្វើដំណើរទៅបំពេញការងារ នៅភ្នំពេញ។
ការដាក់សម្ពោធឲ្យប្រើប្រាស់កម្មវិធីនេះ បានធ្វើឡើងបន្ទាប់ពីការសាកល្បង ដោយជោគជ័យរយៈពេល ៥ខែ ជាមួយនឹងក្រុមហ៊ុនចំនួន ៣០។ ក្នុងនោះ Grab បានជួយបង្កភាពងាយស្រួល និងប្រកបដោយសុវត្ថិភាពដល់បុគ្គលិក ដែលមានបំណងចុះបំពេញ ការងារ និងសរុបជារួមគឺធ្វើដំណើរបានជាង ១០ ០០០ គីឡូម៉ែត្រទៅកាន់ទីតាំងចំនួនជាង ៦០០ កន្លែងផ្សេងៗគ្នាក្នុងរាជធានី។
អ្នកស្រី ហេង សុធាវី នាយកប្រចាំប្រទេសស្ដីទីប្រចាំកម្ពុជាបានលើកឡើងថា៖ “ក្រុមហ៊ុននានាគួរផ្ដោតការប្រើប្រាស់ធនធានរបស់ខ្លួនសម្រាប់កំណើនអាជីវកម្ម និងការបម្រើ អតិថិជណរបស់ខ្លួន។ យើងបានមើលឃើញពីឱកាសក្នុងការផ្ដល់នូវសេវាដឹកជញ្ជូនពីមួយកន្លែងទៅ មួយកន្លែងសម្រាប់ក្រុមហ៊ុននានា ដើម្បីជួយឲ្យក្រុមហ៊ុនទាំងនោះធ្វើទំនើបកម្ម និងរៀបចំដំណើរការ គ្រប់គ្រងការចំណាយលើការដឹកជញ្ជូនតាមរយៈបច្ចេកវិទ្យារបស់ Grab"។
អ្នកស្រីបន្តថា កម្មវិធីនេះ នឹងជួយរៀបចំតាំងពីការធ្វើដំណើរ បង្កាន់ដៃបង់ប្រាក់ និងការសងថ្លៃចំណាយ ដូច្នេះកម្មវិធី នេះផ្ដល់នូវភាពងាយស្រួលសម្រាប់អ្នកប្រើប្រាស់ ហើយផ្ដល់លទ្ធភាពឲ្យផ្នែកធនធានមនុស្ស និងហិរញ្ញវត្ថុ អាចសន្សំសំចៃពេលវេលាក្នុងការគ្រប់គ្រងការចំណាយសម្រាប់ការធ្វើដំណើរប្រចាំថ្ងៃនៅក្នុងក្រុមហ៊ុន។ ការងារគ្រប់គ្រងរដ្ឋបាលកាន់តែងាយស្រួលសម្រាប់ក្រុមហ៊ុននានា ដោយការធ្វើដំណើរដែលកក់ជាមួយ Grab។
រាល់ការធ្វើដំណើរទាំងអស់នឹងត្រូវ បានបញ្ចូលទៅក្នុងគេហទំព័រ Grab for Business ដែលជាឧបករណ៍មួយសម្រាប់ឲ្យក្រុមហ៊ុននានារៀបចំ និងគ្រប់គ្រងលើការធ្វើដំណើររបស់បុគ្គលិក។មុខងារនៃកម្មវិធីនេះរួមមាន៖
ក្រៅពីនោះ បុគ្គលិកអាចមើលប្រវត្តិនៃការធ្វើដំណើរ តាមអ៊ីនធឺណិត ដែលងាយសម្រាប់ការទាមទារសំណងពីគេហទំព័រ Grab for Business។ អ្នកប្រើប្រាស់កម្មវិធី Grab ទាំងអស់ចូលប្រើដោយសេរី ដែលជួយដល់ពួកគេក្នុងកាបែងចែករវាងការធ្វើដំណើរក្នុងបំណងការងារ និងក្នុងបំណងផ្ទាល់ខ្លួន ព្រមទាំងអាចបញ្ចូលរាល់បង្កាន់ដៃលើថ្លៃចំណាយ។
Grab for Business បានបម្រើជូនដល់អតិថិជនជាក្រុមហ៊ុននៅតាមបណ្ដាប្រទេសចំនួន ៨ ដែល Grab ធ្វើប្រតិបត្តិការ ដែលក្នុងនោះមាន សិង្ហបុរី ឥណ្ឌូណេស៊ី ហ្វីលីពីន ម៉ាឡេស៊ី ថៃ វៀតណាម កម្ពុជា និងមីយ៉ាន់ម៉ា។ ក្រុមហ៊ុននានាអាចទទួលបានព័ត៌មានបន្ថែម និងចុះឈ្មោះនៅ www.grab.com/kh/business/ ៕