- 2018-11-17 02:16:52
- ព័ត៌មាន
ជប៉ុន អញ្ជើញសិស្សវិទ្យាល័យខ្មែរទៅចូលរួមកម្មវិធីពិសេសមួយ
- 2018-11-17 02:16:52
- ចំនួនមតិ 0 | ចំនួនចែករំលែក 0
ជប៉ុន អញ្ជើញសិស្សវិទ្យាល័យខ្មែរទៅចូលរួមកម្មវិធីពិសេសមួយ
ចន្លោះមិនឃើញ
ក្រសួងការបរទេសជប៉ុន បានអញ្ជើញសិស្សវិទ្យាល័យនៃប្រទេសកម្ពុជាចំនួន៩រូប ព្រមទាំងអ្នកដឹកនាំ១រូប នឹងធ្វើដំណើរទស្សនកិច្ចនៅប្រទេសជប៉ុន ចាប់ពីថ្ងៃទី១៩ ដល់ថ្ងៃទី២៨ ខែវិច្ឆិកា ២០១៨។ ទស្សនកិច្ចនេះស្ថិតនៅក្រោមកម្មវិធីបណ្ដាញផ្លាស់ប្តូរសិស្ស និស្សិត និងយុវជនរវាងប្រទេសជប៉ុន និងបណ្តាប្រទេសអាស៊ីខាងកើតដែលហៅកាត់ថា JENESYS 2018។
សូមចុចអាន៖ ប្រទេសជប៉ុនទាក់ចិត្តភ្ញៀវទេសចរខ្មែរ ទៅលេងច្រើន ដោយសារហេតុផល៣
សិស្សវិទ្យាល័យ នឹងទៅទស្សនកិច្ចនៅទីក្រុងគីតាមី ខេត្តហុកកៃដូ ដើម្បីចូលរួម «មហោស្រព ភាពយន្តកុមារអន្តរជាតិអាស៊ី ប្រចាំឆ្នាំ២០១៨» ដែលនឹងរៀបចំឡើងនៅថ្ងៃទី២៤ ខែវិច្ឆិកា ឆ្នាំ២០១៨ ។ ភាពយន្តខ្លីចំនួន៣រឿងដែលផលិតដោយសិស្សវិទ្យាល័យចំនួន ៩រូបខាងលើ ត្រូវបានជ្រើសរើសនៅក្នុង ការប្រកួតវគ្គពាក់កណ្ដាលផ្ដាច់ព្រ័ត្រក្នុងប្រទេសកម្ពុជា ដែលរៀបចំដោយស្ថានទូតជប៉ុនប្រចាំកម្ពុជា សហការជាមួយក្រសួងអប់រំយុវជន និងកីឡា ព្រមទាំងមជ្ឈមណ្ឌលសហប្រតិបត្តិការកម្ពុជា-ជប៉ុន កាលពីថ្ងៃទី១៧ ខែកញ្ញា ឆ្នាំ២០១៨។ ម៉្លោះហើយសិស្សវិទ្យាល័យទាំង ៩រូប ដែលជាផលិតករភាពយន្តខ្លីនេះ ត្រូវបាន អញ្ជើញដើម្បីយកភាពយន្តរបស់ខ្លួនទៅប្រកួតបន្តនៅក្នុងមហោស្រពភាពយន្ត ដូចបានរៀបរាប់ខាងលើ។ ក្រៅពីចូលរួមកម្មវិធីប្រកួតប្រជែងភាពយន្តខ្នាតខ្លី សិស្សវិទ្យាល័យ ក៏នឹងមានឱកាសចូលរួមដំណើរកម្សាន្តជុំវិញទីក្រុង ព្រមទាំងកម្មវិធីផ្លាស់ប្តូរ រវាងសាលា និងសាលាផងដែរ។
សូមចុចអាន៖ ៣ក្បាច់នេះ មិនងាយមានអ្នកដឹងក្បួនរកលុយថែម ពីអ្នកធ្វើការនៅជប៉ុន
កម្មវិធី JENESYS 2018 មានគោលបំណងជំរុញការយល់ដឹង និងការកសាងទំនុកចិត្តទៅវិញទៅមកក្នុងចំណោមប្រជាជនជប៉ុន និងបណ្ដាប្រទេសចូលរួម និងដើម្បីកសាងមូលដ្ឋានគ្រឹះ នៃកិច្ចសហប្រតិបត្តិការ និងចំណងមិត្តភាពនាពេលអនាគត។ តាមរយៈកម្មវិធីនេះ ក្រសួងការបរទេសជប៉ុនបានអញ្ជើញយុវជនកម្ពុជាចំនួនជាង ២ ០០០នាក់ហើយ តាំងពីឆ្នាំ ២០០៧មក៕