- 2018-11-18 08:46:56
- ការអប់រំ
រឿងមិននឹកស្មាន៧យ៉ាង ដែលឆ្កែអាចដឹងដោយក្លិន
- 2018-11-18 08:46:56
- ចំនួនមតិ 0 | ចំនួនចែករំលែក 0
រឿងមិននឹកស្មាន៧យ៉ាង ដែលឆ្កែអាចដឹងដោយក្លិន
ចន្លោះមិនឃើញ
អារម្មណ៍នៃក្លិនត្រូវបានគេហៅថា ត្រូវបានគេហៅថា ឃានវិញ្ញាណ។ មនុស្សមិនមានវិញ្ញាណពិសេសនេះដូចសត្វឆ្កែទេ។ វេបសាយ Brightside បានលើកឡើងថា ច្រមុះរបស់សត្វឆ្កែខ្លាំងជាងមនុស្ស ១ម៉ឺនដង។ ដោយសារតែគុណសម្បត្តិពិសេសនេះហើយទើបឆ្កែត្រូវបានគេបង្វឹកដើម្បីឲ្យបម្រើក្នុងវិស័យវិទ្យាសាស្ត្រផ្សេងៗ។ សូម្បីតែឆ្កែធម្មតាដែលមិនត្រូវបានគេបង្វឹកក៏មានវិញ្ញាណពិសេសពីកំណើតរបស់ពួកគេដែរ។
១ ការផ្លាស់ប្ដូរកម្រិតគ្លុយកូសក្នុងឈាម
ការសិក្សាបានបង្ហាញថា ឆ្កែអាចធំក្លិនកម្រិតជាតិស្ករក្នុងឈាមរបស់អ្នក ឬ នៅពេលម្ចាស់របស់ពួកវាអាចនឹងមានជំងឺទឹកនោមផ្អែម។ ពួកគេអាចកំណត់អត្តសញ្ញាណនេះតាមរយៈការផ្លាស់ប្ដូរក្លិនចេញពីញើសរបស់អ្នក។ ប្រភពខាងលើបន្ថែមទៀតថា វាក៏អាចវិភាគការផ្លាស់ប្ដូរឥរិយាបថរបស់យើងបានដែរ។
ហេតុដូច្នេះនៅពេលដែលវេជ្ជបណ្ឌិតក្នុងផ្ទះមួយនេះចាប់ផ្ដើមធំក្លិនខុសប្រក្រតីរបស់អ្នក ឬ នៅពេលអ្នកមានអារម្មណ៍ថាងងុយគេងខុសធម្មតា វានឹងបញ្ចេញប្រតិកម្មទៅកាន់អ្នកភ្លាម។ ឆ្កែអាចចាប់ផ្តើមបង្ហាញពីភាពតានតឹងរបស់វា និង ព្យាយាមទាក់ទាញចំណាប់អារម្មណ៍របស់ម្ចាស់។
២ មហារីក
អ្នកវិទ្យាសាស្ត្រពន្យល់ថាមហារីកធ្វើឱ្យកោសិការបស់យើងធ្វើការខុសពីធម្មតាក្នុងការលូតលាស់។ កោសិកាខូចទាំងនោះ ផលិតប្រូតេអ៊ីនដែលឆ្កែអាចធំក្លិន។ ឆ្កែអាចរកឃើញជំងឺមហារីកសួត មហារីកប្រូស្តាត ឬ មហារីកផ្លោកនោមតាមរយៈការចាប់អារម្មណ៍របស់វាទៅលើទឹកនោមរបស់អ្នក។
សព្វថ្ងៃនេះអ្នកអាចជួបសត្វឆ្កែនៅគ្លីនិក ដែលអាចដឹងពីជំងឺមហារីកផ្សេងៗរួមនឹងមហារីកសុដន់ផងដែរ ព្រោះវាជាឧបករណ៍វាស់ស្ទង់បឋមដែលអាចនាំឲ្យមានការសន្និដ្ឋានដឹងពីលទ្ធផលថាជាជំងឺមហារីក។
៣ អត្តសញ្ញាណ
មនុស្សអាចដឹងពីអត្តសញ្ញាណមនុស្សតាមការចំណាំ ខណៈដែលឆ្កែចាំដោយសារក្លិន។ នៅក្នុងច្រមុះរបស់ឆ្កែ ក្លិនរបស់មនុស្សមានភាពពិសេសដោយឡែកៗពីគ្នាប្រៀបបាននឹងការស្កេនម្រាមដៃ។
ឆ្កែដែលទទួលបានការហ្វឹកហាត់ អាចបែងចែកសូម្បីតែក្លិនដើម្បីកំណត់អត្តសញ្ញាណនៃកូនភ្លោះ។ សមត្ថភាពរបស់ពួកវាត្រូវបានប្រើ យ៉ាងទូលំទូលាយនៅក្នុងការងារប៉ូលិសនៅពេលស្វែងរកអ្នកបាត់ខ្លួន។
៤ អាការប្រកាច់ឆ្កួតជ្រូក
ក្រុមអ្នកវិទ្យាសាស្ត្របានបញ្ជាក់ថាសត្វឆ្កែអាចសញ្ញាណនៃអាការប្រកាច់ឆ្កួតជ្រូករបស់ម្ចាស់វារហូតដល់៤៥នាទីមុនពេលដែលអាការៈនេះកើតឡើងលើអ្នក។ វាអាចដឹងពីក្លិននៃស្ថានភាពសុខភាពរបស់អ្នក។ នៅពេលដែលឆ្កែអាចដឹងពីគ្រោះនេះ វានឹងព្យាយាមប្រាប់អ្នកតាមរយៈការព្រុសខុសធម្មតាជាដើម ហើយប្រសិនបើអ្នកដួលសន្លប់មិត្តសម្លាញ់នេះនឹងនៅជិតអ្នក។
៥ នៅពេលអ្នកទៅលេងជាមួយឆ្កែអ្នកដទៃ
ឆ្កែអាចបញ្ជូនសារឲ្យគ្នាទៅវិញទៅមកតាមរយៈក្លិនក្នុងបរិយាកាសខ្យល់ដូចជា ទឹកនោម ស្បែក និង លាមកជាដើម។ ដូច្នេះនៅពេលដែលអ្នកទៅលេងផ្ទះមិត្តភ័ក្ដិរបស់អ្នកដែលមានសត្វចិញ្ចឹម ឆ្កែរបស់អ្នកនឹងដឹងរឿងទាំងអស់។ ឆ្កែរបស់អ្នកនឹងព្យាយាមហិតក្លិនរបស់អ្នកពេញដងខ្លួន ដើម្បីដឹងថាតើអ្នកទៅលេងជាមួយឆ្កែមួយណា។ ព័ត៌មាននៅលើដងខ្លួនអ្នក រួមមាន អំពីពូជឆ្កែ ទំហំ សុខភាព និង លក្ខណៈពិសេសដទៃទៀតរបស់ឆ្កែដែលអ្នកបានទៅក្បែរ។
៦ ការមានផ្ទៃពោះ
ប្រសិនបើអ្នកមានផ្ទៃពោះ រាងកាយរបស់អ្នកឆ្លងកាត់ការផ្លាស់ប្ដូរអ័រម៉ូនយ៉ាងខ្លាំង។ អ្នកជំនាញបានបញ្ជាក់ថាឆ្កែអាចដឹងថាអ្នកមានផ្ទៃពោះតឹងពីភ្លាមៗ ហើយអាកប្បកិរិយារបស់ពួកគេមកលើខ្លួនអ្នកនឹងផ្លាស់ប្តូរចាប់តាំងពីពេលនោះមក ពោលគឺពួកគេចាប់ផ្ដើមលែងស្និទ្ធស្នាលនឹងអ្នកដូចពីមុន តែមិនមែនមកពីគេច្រណែនជាមួយនឹងកូនក្នុងផ្ទៃទេ ប៉ុន្តែព្រោះគេគិតថាអ្នកជាមនុស្សថ្មី។
៧ ព្យុះ ឬ គ្រោះធម្មជាតិ
តាំងពីសម័យបុរាណ សត្វមានតួនាទីយ៉ាងសំខាន់ដែលអាចដឹងពីបម្រែបម្រួលអាកាសធាតុ។ ការអង្កេតសព្វថ្ងៃបង្ហាញថា ឆ្កែអាចព្យាករណ៍អាកាសធាតុរួមមានព្យុះ និង គ្រោះធម្មជាតិនានារួមមានការញ័រចំប្រប់របស់ឆ្កែជាដើម៕
