- 2018-11-23 02:20:47
- ព័ត៌មាន
ដូណាល់ ត្រាំ ប្រកាសគំរាមក្ដែងៗ ចង់បិទព្រំដែនម៉ិកស៊ីកូ បើកើតរឿងមិនស្រួល
- 2018-11-23 02:20:47
- ចំនួនមតិ 0 | ចំនួនចែករំលែក 0
ដូណាល់ ត្រាំ ប្រកាសគំរាមក្ដែងៗ ចង់បិទព្រំដែនម៉ិកស៊ីកូ បើកើតរឿងមិនស្រួល
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បានបន្តគំរាមកំហែងបិទទ្វារព្រំដែនអាមេរិក-ម៉ិកស៊ីកូទាំងមូល រួមទាំងផ្អាកការធ្វើពាណិជ្ជកម្មជាមួយប្រទេសម៉ិកស៊ីកូផងដែរ ប្រសិនបើការមកដល់នៃជនចំណាកស្រុកពីអាមេរិកកណ្ដាល នាំឲ្យមានបញ្ហា។
ជាមួយគ្នានេះ លោកក៏បាននិយាយផងដែរថា លោកបានបើកភ្លើងខៀវឲ្យកងទ័ពនៅតាមព្រំដែនប្រើប្រាស់កម្លាំងប្រសិនបើចាំបាច់។ គួរឲ្យដឹងថា កាលពីថ្ងៃច័ន្ទកន្លងទៅនេះ សហរដ្ឋអាមេរិក បានបិទច្រកឆ្លងកាត់ដ៏មមាញឹកមួយ ដើម្បីដំឡើងរបាំងការពារថ្មី។
ជនចំណាកស្រុករាប់ពាន់នាក់បានជាប់នៅតាមព្រំដែន បន្ទាប់ពីធ្វើដំណើរជាង ៤ពាន់គីឡូម៉ែត្រពីអាមេរិកកណ្ដាល។ អ្នកទាំងនោះនិយាយថា ពួកគេរត់គេចពីការធ្វើទុក្ខបុកម្នេញ ភាពក្រីក្រ និងអំពើហិង្សានៅក្នុងប្រទេសរបស់ពួកគេ ដូចជា ហុងឌុយរ៉ាស់ , ហ្គាតេម៉ាឡា និង អែលសាល់វាឌ័រ ជាដើម។
យ៉ាងណាមិញ ប្រធានាធិបតីអាមេរិក លោក ដូណាល់ ត្រាំ បានដាក់ពង្រាយកងទ័ពប្រហែល ៥ ៨០០នាក់ ទៅកាន់ព្រំដែន ហើយធ្លាប់បានចាត់ទុកជនអន្តោប្រវេសន៍ទាំងនោះថាជា «ការឈ្លានពាន» ទៀតផង៕
ចុចអាន៖