- 2018-11-23 03:42:56
- ព័ត៌មាន
ការសិក្សាថ្មីរកឃើញថា អ្នកក្រនៅអង់គ្លេសស្លាប់លឿនជាងអ្នកមានជិត១០ឆ្នាំ
- 2018-11-23 03:42:56
- ចំនួនមតិ 0 | ចំនួនចែករំលែក 0
ការសិក្សាថ្មីរកឃើញថា អ្នកក្រនៅអង់គ្លេសស្លាប់លឿនជាងអ្នកមានជិត១០ឆ្នាំ
ចន្លោះមិនឃើញ
គម្លាតអាយុកាលជាមធ្យមក្នុងចំណោមអ្នកមាន និងអ្នកក្រនៅចក្រភពអង់គ្លេស ត្រូវបានគេរកឃើញហើយ បន្ទាប់ពីក្រុមអ្នកស្រាវជ្រាវរកឃើញនៅសហរដ្ឋអាមេរិក។
គម្លាតអាយុកាលជាមធ្យម រវាងក្មេងស្រី និងស្ត្រីអ្នកមាន និងអ្នកក្រ នៅក្នុងចក្រភពអង់គ្លេស បានកើនឡើងពី ៦,១ឆ្នាំ នៅក្នុងឆ្នាំ២០០១ ទៅ ៧,៩ឆ្នាំ នៅក្នុងឆ្នាំ២០១៦។ នេះបើយោងតាមការស្រាវជ្រាវមួយ ដែលបានចេញផ្សាយនៅក្នុងកាសែត Lancet Public Health កាលពីថ្ងៃព្រហស្បតិ៍។
ចំណែកឯគម្លាតអាយុកាលជាមធ្យម រវាងក្មេងប្រុស និងបុរសអ្នកមាន និងអ្នកក្រ នៅក្នុងចក្រភពអង់គ្លេស បានកើនឡើងពី ៩ឆ្នាំ ទៅ ៩,៧ឆ្នាំឯណោះ។ នេះបើយោងតាមការស្រាវជ្រាវខាងលើដដែល។
លោក Majid Ezzati សាស្ត្រាចារ្យផ្នែកសុខភាពបរិស្ថានពិភពលោកនៅឯមហាវិទ្យាល័យ Imperial College London បាននិយាយថា «នៅគ្រប់ក្រុមអាយុមានការចូលរួមចំណែកដល់វិសមភាព ដែលមានន័យថា អ្នកក្រីក្រកំពុងតែរងទុក្ខវេទនាខ្លាំង»។
លោកសាស្ត្រាចារ្យបានបន្ថែមទៀតថា «ជាទូទៅ ការទទួលបានការថែទាំសុខភាព គឺកាន់តែអាក្រក់ទៅៗចំពោះអ្នកក្រ សូម្បីតែនៅក្នុងប្រទេសដែលមានប្រព័ន្ធសុខាភិបាលថ្នាក់ជាតិក៏ដោយ។ ដូច្នេះវាបង្ហាញឲ្យឃើញថា មូលហេតុមកពីការរួមបញ្ចូលគ្នានៃអាកប្បកិរិយាសង្គម សេដ្ឋកិច្ច និងការថែទាំសុខភាព»៕
ចុចអាន៖
