- 2018-11-24 08:44:00
- ព័ត៌មាន
បែកញើសខ្ចាយ ៣ថ្ងៃ ទីបំផុតប៉ុន្មានកន្លែងនេះស្អាតវិញ ហើយក្រុមសម្អាតទើបអាចឈប់ ១ថ្ងៃនឹងគេ
- 2018-11-24 08:44:00
- ចំនួនមតិ 0 | ចំនួនចែករំលែក 0
បែកញើសខ្ចាយ ៣ថ្ងៃ ទីបំផុតប៉ុន្មានកន្លែងនេះស្អាតវិញ ហើយក្រុមសម្អាតទើបអាចឈប់ ១ថ្ងៃនឹងគេ
ចន្លោះមិនឃើញ
ទីតាំងសប្បាយ ដែលមានបងប្អូនប្រជាពលរដ្ឋបានជួបជុំដើរលេង រីករាយក្នុងព្រះរាជពិធីបុណ្យអុំទូក រយៈពេល៣ថ្ងៃ ត្រូវបានបោសសម្អាតរួចរាល់។ នេះបើតាមទំព័រហ្វេសប៊ុក រដ្ឋបាលរាជធានីភ្នំពេញ បានចុះផ្សាយនៅថ្ងៃនេះ។
ប្រភពពីទំព័រដដែលខាងលើបានបន្តថា រដ្ឋបាលរាជធានីភ្នំពេញសូមថ្លែងអំណរគុណបងប្អូនប្រជាពលរដ្ឋទាំងអស់ ចំពោះការសហការតាមការអំពាវនាវរបស់រដ្ឋបាលរាជធានី ក្នុងការចូលរួមថែរក្សាអនាម័យបរិស្ថានអនាម័យបានល្អ ដោយវេចខ្ចប់ទុកដាក់សំរាមក្នុងធុងបានត្រឹមត្រូវ។ សង្ឃឹមថាឆ្នាំក្រោយៗ បងប្អូននឹងចូលរួមរឹតតែល្អប្រសើរជាងនេះទៀត។
សូមបញ្ជាក់ថា ទីតាំងមួយចំនួនទៀត នៅសេសសល់ការប្រឡាក់កំណកខ្លាញ់ ការខូចស្មៅដោយអន្លើតាមសួនច្បារ។ រដ្ឋបាលរាជធានីនឹងចាត់ចែងរៀបចំបន្តទៀតនៅ ថ្ងៃច័ន្ទសប្ដាហ៍ក្រោយដោយទុកឱកាសជូនបងប្អូនកម្មករបោសសម្អាតបានឈប់សម្រាក១ថ្ងៃបន្ទាប់ពីបំពេញភារកិច្ចទាំងយប់ ទាំងថ្ងៃអស់ រយៈពេល៣ថ្ងៃ កន្លងមកនេះ។ នេះបើតាមទំព័រហ្វេសប៊ុក រដ្ឋបាលរាជធានីភ្នំពេញ។
រូបភាពមុនបោសសម្អាត
ប្រភពរូបៈ សាធារណការរាជធានីភ្នំពេញ
រូបភាពក្រោយបោសសម្អាត
ប្រភពរូបៈ រដ្ឋបាលរាជធានីភ្នំពេញ
