- 2018-11-26 10:21:00
- ព័ត៌មាន
បុណ្យអុំទូកកន្លងទៅ អ្នកទេសចរសៀមរាបកើនឡើង ខណៈខេត្តព្រះសីហនុតួលេខធ្លាក់ចុះ
- 2018-11-26 10:21:00
- ចំនួនមតិ 0 | ចំនួនចែករំលែក 0
បុណ្យអុំទូកកន្លងទៅ អ្នកទេសចរសៀមរាបកើនឡើង ខណៈខេត្តព្រះសីហនុតួលេខធ្លាក់ចុះ
ចន្លោះមិនឃើញ
អនុប្រធានមន្ទីរទេសចរណ៍ ខេត្តព្រះសីហនុ បានឱ្យដឹងថា ភ្ញៀវទេសចរដែលមកកម្សាន្តនៅខេត្តព្រះសីហនុ រយៈពេល៣ថ្ងៃ ក្នុងព្រះរាជពិធីបុណ្យអុំទូក កន្លងទៅមានចំនួនសរុប ៦ម៉ឺន៣ពាន់នាក់។ ចំនួននេះ មានការថយជាងចុះ ២៥,៨៨ភាគរយ ក្នុងឆ្នាំ២០១៨នេះ។
រយៈពេលដដែលកន្លងទៅនេះ នៅឯខេត្តសៀមរាប បើតាមឯកឧត្ដម ឃឹម ប៊ុនសុង អភិបាលខេត្តសៀមរាបបានបញ្ជាក់ថា ខេត្តនេះ ទទួលបានភ្ញៀវទេសជាតិ និងអន្តរជាតិប្រមាណជាង៣៣ម៉ឺននាក់ ដែលចំនួននេះកើនឡើងប្រមាណ ១៨.៥៨ភាគរយ បើធៀបនឹងឆ្នាំ២០១៧។
លោក វ៉េង ស៊ីសុវង្ស អនុប្រធានមន្ទីរទេសចរណ៍ខេត្តព្រះសីហនុ ក្នុងនោះភ្ញៀវជាតិមានចំនួនជាង ៥ម៉ឺននាក់ ថយចុះ ៣២,០៧ភាគរយ។ ភ្ញៀវអន្តរជាតិមានចំនួនជាង ១ម៉ឺននាក់ កើនឡើង ១៥,៥៦ភាគរយ។
លោកបានបន្តថា ភ្ញៀវទេសចរបានទៅកម្សាន្តតាមបណ្ដាកោះនានា ក្នុងខេត្តព្រះសីហនុ មានចំនួន ៦ពាន់នាក់។ ក្នុងនោះភ្ញៀវជាតិចំនួន ៣ពាន់នាក់ និងភ្ញៀវអន្តរជាតិមានចំនួន ៣៤៨៨នាក់ កើនឡើង ២៧,៧០ភាគរយ។
សូមបញ្ជាក់ថា ចំពោះការងារសន្តិសុខ និងសុវត្ថិភាពទេសចរណ៍មានលក្ខណៈ ល្អប្រសើរ ដោយមានការយកចិត្តទុកដាក់ និងរៀបចំផែនការគ្រប់គ្រងយ៉ាងហ្មត់ចត់ ពីគណៈបញ្ជាការឯកភាពខេត្តដោយមានការចូលរួម ដូចជាស្នងការនគរបាលខេត្ត និងកងរាជអាវុធហត្ថខេត្តព្រះសីហនុ។
នេះបើតាម លោក វ៉េង ស៊ីសុវង្ស អនុប្រធានមន្ទីរទេសចរណ៍ ខេត្តព្រះសីហនុ។
