- 2018-12-04 01:41:27
- សុខភាព
កូនក្តៅខ្លួនខ្លាំង ដាក់ថ្នាំមិនត្រូវ ប្រញាប់យកទៅពេទ្យ ក្រែងកើតជំងឺមួយនេះ
- 2018-12-04 01:41:27
- ចំនួនមតិ 0 | ចំនួនចែករំលែក 0
កូនក្តៅខ្លួនខ្លាំង ដាក់ថ្នាំមិនត្រូវ ប្រញាប់យកទៅពេទ្យ ក្រែងកើតជំងឺមួយនេះ
ចន្លោះមិនឃើញ
ក្រសួងសុខាភិបាលឲ្យដឹងថានៅចុងខែវិច្ឆិកា និងដើមខែធ្នូនេះមានកើនឡើងករណីជំងឺគ្រុនឈាមលើកុមារ និងមនុស្សចាស់ដោយថាជាខួបកើនឡើងនៃជំងឺមួយនេះក្នុងរង្វង់បួនទៅប្រាំឆ្នាំម្តង។
នៅលើទំព័រហ្វេសប៊ុកនាយកដ្ឋានប្រយុទ្ធនឹងជំងឺឆ្លងនៃ ក្រសួងសុខាភិបាលនៅព្រឹកនេះបានសរសេរថាកម្មវិធីប្រយុទ្ធនឹងជំងឺគ្រុនឈាមក្រសួងសុខាភិបាល និងបណ្តាមន្ទីរសុខាភិបាល ខេត្ត រាជធានីបានចាត់វិធានការបាញ់ថ្នាំសម្លាប់មូសខ្លា និងបើកយុទ្ធនាការដាក់ថ្នាំអាបែតបន្ថែម និងអប់រំសុខភាពដល់ប្រជាពលរដ្ឋ។
ប្រភពដដែលបន្តថា«ដើម្បីបង្ការកុំឲ្យផ្ទុះជំងឺគ្រុនឈាមក្នុងតំបន់បងប្អូន សូមបងប្អូនចូលរួមទាំងអស់ក្នុងការបំបាត់ជំរកដង្កូវទឹក ក្នុងផ្ទះ ជុំវិញផ្ទះបងប្អូន ទីសាធារណៈនានា និងក្នុងអាងស្តុកទឹកនៅក្នុងវត្តអារាម ការពារកូនកុំឲ្យមូសខាំដោយពាក់ខោអាវគ្របជិតខ្លួនកូន ពាក់ស្រោមជើង គេងក្នុងមុងជានិច្ចទាំងពេលថ្ងៃនិងពេលយប់»។
ប្រភពខាងលើបញ្ជាក់ថាអាណាព្យាបាលត្រូវនាំកូនទៅមន្ទីរពេទ្យជាបន្ទាន់បើឃើញកូនក្តៅខ្លួនខ្លាំងផ្តល់ថ្នាំមិនចុះកម្ដៅ ឬសង្ស័យថាមានជំងឺគ្រុនឈាម ។ រោគសញ្ញាជំងឺគ្រុនឈាមរួមមាន គ្រុនក្តៅ ខ្លាំង ឈឺក្បាល ឈឺក្រោយរង្វង់ភ្នែក ឈឺពោះ ក្អួត និងករណីខ្លះមានកន្ទួលក្រហមលើស្បែក ឬសញ្ញាហូរឈាម ជាដើម។ ប្រភពដដែលបន្ត។
សម្រាប់ករណីឃើញមានជំងឺគ្រុនក្តៅកើតច្រើនខុសធម្មតាក្នុងភូមិ ឬក្នុងមូលដ្ឋានរបស់ខ្លួនប្រភពខាងលើថាប្រជាពលរដ្ឋអាចទាក់ទងលេខទូរសព្ទ ១១៥ ដោយមិនគិតថ្លៃគ្រប់ប្រព័ន្ធដោយថាដើម្បីឲ្យមន្ត្រីជំនាញចុះឆ្លើយតបជាបន្ទាប់៕