- 2018-12-06 03:16:13
- ការអប់រំ
គូបូតា ចំណាយប្រាក់ជិត១សែនដុល្លារ ចូលរួមការងារសង្គម ជួយសិស្សានុសិស្ស ខ្វះខាតសម្ភារសិក្សា
- 2018-12-06 03:16:13
- ចំនួនមតិ 0 | ចំនួនចែករំលែក 0
គូបូតា ចំណាយប្រាក់ជិត១សែនដុល្លារ ចូលរួមការងារសង្គម ជួយសិស្សានុសិស្ស ខ្វះខាតសម្ភារសិក្សា
ចន្លោះមិនឃើញ
ឆ្នាំនេះ គឺជាឆ្នាំទី៤ ដែលក្រុមហ៊ុនគូបូតាកម្ពុជា បានប្រារព្ធកម្មវិធីសប្បុរសធម៌របស់ខ្លួន ដែលមានឈ្មោះថា “Kubota Sharing The Future” ដែលក្នុងឆ្នាំទី៤នេះ គូបូតាបានបរិច្ចាគកាបូប និង សម្ភារសិក្សាសិស្សចំនួន 20 000ឈុត មានតម្លៃជាង៩ម៉ឺនដុល្លារ ដែលប្រព្រឹត្តទៅនៅមន្ទីរអប់រំ យុវជន និងកីឡាខេត្តបាត់ដំបងកាលពីថ្ងៃទី៣ ខែធ្នូ ឆ្នាំ២០១៨ ក្រោមអធិបតីភាពឯកឧត្ដម ស៊ូ អារ៉ាហ្វាត់ អភិបាលរង នៃគណៈអភិបាលខេត្តបាត់ដំបង។
កម្មវិធីសប្បុរសធម៌នេះជាផ្នែកមួយនៃការអភិវឌ្ឍ និងការទទួលខុសត្រូវក្នុងសង្គម ដែលមានបំណងជួយដល់កុមារដែលខ្វះខាតនៅតាមជនបទដាច់ស្រយាលទូទាំងប្រទេសកម្ពុជាឲ្យមានជីវិតកាន់តែប្រសើរឡើង។
លោក ភីសានុ មីលីនតានុស អគ្គនាយករងទទួលបន្ទុកផ្នែកលក់ និងសេវាកម្ម នៃទីស្នាក់ការធំក្រុមហ៊ុន ស្យ៉ាម គូបូតា ខបភឺរេសិន បានមានប្រសាសន៍ថា គោលនយោបាយរបស់ក្រុមហ៊ុន ស្យ៉ាមគូបូតា គឺមិនត្រឹមតែសិក្សាស្រាវជ្រាវនិង អភិវឌ្ឍន៍បច្ចេកវិទ្យាគ្រឿងយន្តកសិកម្មប៉ុណ្ណោះទេ ថែមទាំងសន្យាបន្តកម្មវិធីសប្បុរសធម៌ដើម្បីជួយដល់សង្គមផងដែរ។
ហេតុដូច្នេះហើយបានជាគូបូតា បានបង្កើតកម្មវិធី “Kubota Sharing The Future” នេះអស់រយៈពេល ៤ឆ្នាំជាប់ៗគ្នា ដែលបានជួយដល់វិស័យអប់រំ និងយុវជន ជាក់ស្ដែងគឺការបរិច្ចាគកាបូប និង សម្ភារសិក្សាដល់កុមារកម្ពុជា ដែលខ្វះខាតជាច្រើនម៉ឺននាក់។
គួរបញ្ជាក់ផងដែរថា កម្មវិធីសប្បុរសធម៌មួយនេះទទួលបានជោគជ័យយ៉ាងធំធេងក្នុងរយៈពេល៣ឆ្នាំចុងក្រោយនេះ ដែលសម្ភារៈសិក្សាត្រូវបានផ្តល់ទៅដល់កុមារកម្ពុជាជាច្រើនម៉ឺននាក់ ដែលបានជួយជ្រោមជ្រែងក្នុងការសិក្សារបស់ពួកគេបានយ៉ាងច្រើនគួរឲ្យកត់សំគាល់។ ទោះបីយ៉ាងណាក៏ដោយ នៅមានតំបន់ជាច្រើនទៀត ដែលនៅខ្វះខាត ដូច្នេះហើយបានជា គូបូតាបន្តធ្វើកម្មវិធីនេះក្នុងឆ្នាំនេះដែលជាឆ្នាំទី៤។ កាបូប និងសម្ភារសិក្សាសិស្សចំនួន ២ម៉ឺនឈុតត្រូវបានបរិច្ចាគ ដែលផ្តល់ជូនមន្ទីរអប់រំខេត្តបាត់ដំបងចំនួន ៥ ០០០ឈុត និង ១៥ ០០០ ឈុតទៀតផ្តល់ជូនភ្នាក់ងារចែកចាយគូបូតា ដើម្បីបរិច្ចាគដល់កុមារខ្វះខាតជាច្រើនខេត្តទូទាំងប្រទេស។
លោក ភីសានុ មីលីនតានុស បានបន្ថែមទៀតថា ក្នុងឆ្នាំ២០១៨នេះ កម្មវិធី “Kubota Sharing The Future” មានទិសដៅបរិច្ចាគកាបូប និង សម្ភារសិក្សា ចំនួន ៤៩ ០០០ឈុត ដែលផ្ដល់ដល់កម្ពុជាចំនួន ២០ ០០០ឈុត ភូមាចំនួន ១៦ ០០០ឈុត និង ឡាវចំនួន ១៣ ០០០ ឈុត។ ការផ្ដល់ជូននេះតាមរយៈភ្នាក់ងាររដ្ឋាភិបាល និងភ្នាក់ងារចែកចាយគូបូតាក្នុងប្រទេសនិមួយៗ ដើម្បីបរិច្ចាគទៅដល់កុមារ និងយុវជនដែលកំពុងខ្វះខាត។
ចាប់តាំងពីក្រុមហ៊ុនគូបូតាកម្ពុជា ត្រូវបានបង្កើតមក គូបូតាមិនត្រឹមតែរៀបចំកម្មវិធី “Kubota Sharing The Future” នោះទេ តែក៏បានបង្កើតមជ្ឈមណ្ឌលអប់រំបច្ចេកទេសគូបូតា (KUBOTA Technical Education Center (KTEC) ដែលក្រោមកិច្ចសហប្រតិបត្តិការណ៍ជាមួយវិទ្យាស្ថានបច្ចេកវិទ្យាបាត់ដំបង និង សាកលវិទ្យាល័យមានជ័យ ដែលនិងអាច ឲ្យសិស្សនិស្សិតសិក្សាពីគ្រឿងយន្តកសិកម្មដើម្បីក្លាយជាអ្នកជំនាញក្នុងវិស័យកសិកម្មនៅពេលអនាគត៕