- 2018-12-09 08:07:31
- ព័ត៌មាន
ចង់ចំណេញប្រាក់ពីធានារ៉ាប់រង ប្រើល្បិចច្រំដែលអស់រយៈពេល៥ឆ្នាំ ត្រូវបែកធ្លាយគ្មានពាក្យតវ៉ា
- 2018-12-09 08:07:31
- ចំនួនមតិ 0 | ចំនួនចែករំលែក 0
ចង់ចំណេញប្រាក់ពីធានារ៉ាប់រង ប្រើល្បិចច្រំដែលអស់រយៈពេល៥ឆ្នាំ ត្រូវបែកធ្លាយគ្មានពាក្យតវ៉ា
ចន្លោះមិនឃើញ
បុរសម៉ាឡេស៊ីម្នាក់ដែលបានបាត់ iPhone រាល់ឆ្នាំអស់រយៈពេល៥ឆ្នាំ ត្រូវប៉ូលីសចាប់ខ្លួនបន្ទាប់ពីអាជ្ញាធរក្នុងស្រុកបានរកឃើញទង្វើក្លែងបន្លំរបស់គាត់។
ប្រធានផ្នែកគ្រប់គ្រងទីផ្សារវ័យ៣៤ឆ្នាំម្នាក់មកពីទីក្រុង ប៊ូគីត ម៊ែទែជែម (Bukit Mertajam) ក្នុងខេត្តផេណាំង ត្រូវបានរកឃើញថាបានរាយការណ៍ដោយក្លែងបន្លំថា iPhone របស់គាត់ត្រូវបានគេលួច ដើម្បីទាមទារប្រាក់ធានារ៉ាប់រង។
យោងតាមសារព័ត៌មាន Free Malaysia Today ជនសង្ស័យសុំមិនបញ្ចេញឈ្មោះបានប្តឹងទៅប៉ូលីសតាំងពីឆ្នាំ២០១៣ ហើយបណ្តឹងចុងក្រោយ ដែលថា iPhone របស់លោកត្រូវគេជំរិតយក ធ្វើឲ្យប៉ូលីសចាប់អារម្មណ៍ជាខ្លាំង ព្រោះថាបាត់ដដែលៗអស់រយៈពេល៥ឆ្នាំ។
ជនសង្ស័យបានប្តឹងប៉ូលីសថា iPhone XS Max របស់លោកត្រូវបុរស២នាក់ជិះម៉ូតូស្ទាក់ធ្វើស៊ី។ ក្នុងបណ្តឹងដដែលជនសង្ស័យបានរៀបរាប់ទៀតថា ពួកចោរបានប្លន់ iPad Pro កុំព្យូទ័រ MacBook Pro និង របស់មានតម្លៃផ្សេងៗទៀតក្នុងកាបូបរបស់លោក។
មន្រ្តីប៉ូលីសបានឲ្យដឹងថាពួកគេមានការសង្ស័យនៅពេលឆែកកំណត់ហេតុបណ្តឹងរបស់ជនសង្ស័យខាងលើ។ លោក Nik Ros បាននិយាយថា "នៅពេលយើងឆែកកំណត់ហេតុពាក្យប្តឹងរបស់គាត់មានគំរូស្រដៀងគ្នាទាំងអស់ គឺបាត់ iPhone”។
ក្រោយការសួរចម្លើយ ជនសង្ស័យបានសារភាពថាលោកបានលក់ iPhone និង កុំព្យូទ័រ MacBook របស់លោកនៅលើវេបសាយហើយរាយការណ៍ថាបាត់ដើម្បីបានប្រាក់ធានារ៉ាប់រងមកវិញ ហើយលោកបន្តធ្វើបែបនេះហូរហែទៀត។
លោកនិយាយថា iPhnoe XS Max របស់លោកលក់ក្នុងតម្លៃ ១ ២០៦ ដុល្លារ និង MacBook Pro ក្នុងតម្លៃ ១ ៤៤០ ដុល្លារ៕