- 2018-12-12 07:08:49
- សេដ្ឋកិច្ច
ធនាគារពិភពលោក៖ ម៉ាឡេស៊ី កំពុងក្លាយជាប្រទេសមានចំណូលខ្ពស់ និងអភិវឌ្ឍន៍
- 2018-12-12 07:08:49
- ចំនួនមតិ 0 | ចំនួនចែករំលែក 0
ធនាគារពិភពលោក៖ ម៉ាឡេស៊ី កំពុងក្លាយជាប្រទេសមានចំណូលខ្ពស់ និងអភិវឌ្ឍន៍
ចន្លោះមិនឃើញ
ធនាគារពិភពលោក បានអះអាងថា ប្រទេសម៉ាឡេស៊ី កំពុងស្ថិតលើផ្លូវឆ្ពោះទៅរកកម្រិតប្រាក់ចំណូលខ្ពស់ និងក្លាយជាប្រទេសអភិវឌ្ឍន៍ ក្នុងរយៈពេលប៉ុន្មានឆ្នាំទៀតប៉ុណ្ណោះ។
លោកស្រី Victoria Kwakwa អនុប្រធានធនាគារពិភពលោកប្រចាំតំបន់អាស៊ីបូព៌ា និងប៉ាស៊ីហ្វិក នាថ្ងៃពុធ ទី១២ ខែធ្នូ ឆ្នាំ២០១៨ នេះ បាននិយាយថា សេដ្ឋកិច្ចរបស់ប្រទេសម៉ាឡេស៊ីមានភាពចម្រុះ និងបានឈរលើគ្រឹះដ៏រឹងមាំ ដែលត្រូវបានរៀបចំឡើងដើម្បីនាំប្រទេសទៅកម្រិតបន្ទាប់មួយទៀត។
លោកស្រី Kwakwa បានបន្ថែមថា «យើងសូមស្វាគមន៍ចំពោះកិច្ចខិតខំប្រឹងប្រែងរបស់រដ្ឋាភិបាល ដែលជាផ្នែកមួយនៃដំណើរការនេះ ដើម្បីពង្រឹងស្ថាប័ន អភិវឌ្ឍន៍ធនធានមនុស្ស និងការពារជនងាយរងគ្រោះនៅក្នុងសង្គម។ ក្រុមធនាគារពិភពលោកត្រៀមខ្លួនរួចជាស្រេច ដើម្បីគាំទ្រប្រទេសម៉ាឡេស៊ីនៅក្នុងដំណើរការផ្លាស់ប្ដូរដ៏សំខាន់នេះ»។
គួរឲ្យដឹងថា លោកស្រី Kwakwa កាលពីថ្ងៃច័ន្ទ ទី១០ ខែធ្នូ ឆ្នាំ២០១៨ កន្លងទៅនេះ បានបញ្ចប់ដំណើរទស្សនកិច្ចផ្លូវការរយៈពេល ៤ថ្ងៃទៅកាន់ប្រទេសម៉ាឡេស៊ី ដោយបានជួបនាយករដ្ឋមន្ត្រីម៉ាឡេស៊ី លោក Mahathir Mohamad រដ្ឋមន្ត្រីហិរញ្ញវត្ថុ លោក Lim Guan Eng និងអភិបាលធនាគារម៉ាឡេស៊ី លោក Shamsiah Mohd Yunus ផងដែរ៕
ចុចអាន៖
