ចម្លែកមែន! សាលាមួយនៅម៉ាឡេស៊ី ទាល់តែសិស្សចេះអ៊ុតខោអាវ ទើបអាចចូលរៀនបាន

2018-12-13 03:14:51
ព័ត៌មាន

2018-12-13 03:14:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតសិស្សម្នាក់ដែលរៀននៅសាលា Sekolah Menengah Sains Lahad Datu, Sabah ស្ថិតក្នុងក្រុង Lahad Datu ប្រទេសម៉ាឡេស៊ី បានបង្ហោះរូបថតច្រើនសន្លឹក បង្ហាញឲ្យឃើញ សិស្សកំពុងអ៊ុតខោអាវដែលជាផ្នែកមួយនៃដំណើរការសម្ភាសន៍ មុនត្រូវគេជ្រើសរើសឲ្យចូលរៀន។

លោក Hasif ដែលជាអតីតសិស្សនៃសាលាខាងលើ ចាប់ពីឆ្នាំ ២០១០ ដល់ ២០១៤ បានអះអាងថា កាលជំនាន់លោករៀន មិនមានការធ្វើតេស្តបែបនេះឡើយ ដោយវាទើបតែត្រូវបានគេធ្វើឡើងនៅឆ្នាំនេះប៉ុណ្ណោះ។

ទោះជាយ៉ាងណា Hasif និយាយថា លោកមិនធ្លាប់គិតសោះថា សាលានឹងដាក់បញ្ចូលការអ៊ុតខោអាវនៅក្នុងបទសម្ភាសន៍ជ្រើសរើសសិស្សថ្មី ប៉ុន្តែលោកបានបន្ថែមថា វាជារឿងល្អព្រោះសិស្សនឹងមិនពាក់អាវជ្រីវជ្រួញមករៀននាពេលព្រឹកទៀតឡើយ។

និស្សិតនៃសាកលវិទ្យាល័យ Universiti Putra Malaysia ខាងលើ បានឲ្យដឹងទៀតថា ថ្វីបើវាហាក់បីដូចជាការផ្លាស់ប្ដូរដ៏តូចមួយ ប៉ុន្តែវាពិតជាសំខាន់ណាស់ ព្រោះវាបង្រៀនដល់សិស្ស យ៉ាងហោចណាស់ឲ្យមើលទៅស្រស់ស្អាតនៅក្នុងសាលាដែរ៕