- 2018-12-21 01:47:51
- ព័ត៌មាន
មែនទែនហើយ! កូរ៉េខាងជើងដាក់លក្ខខណ្ឌមួយវិញឲ្យអាមេរិក បើចង់ឲ្យខ្លួនដកនុយក្លេអ៊ែរ
- 2018-12-21 01:47:51
- ចំនួនមតិ 0 | ចំនួនចែករំលែក 0
មែនទែនហើយ! កូរ៉េខាងជើងដាក់លក្ខខណ្ឌមួយវិញឲ្យអាមេរិក បើចង់ឲ្យខ្លួនដកនុយក្លេអ៊ែរ
ចន្លោះមិនឃើញ
រដ្ឋាភិបាលក្រុងព្យុងយ៉ាង ប្រកាសថាខ្លួននឹងមិនដកនុយក្លេអ៊ែរទេ ប្រសិនបើអាមេរិកមិនព្រមដកនុយក្លេអ៊ែររបស់ខ្លួនដែរ។
យោងតាមសេចក្ដីអធិប្បាយចេញកាលពីថ្ងៃព្រហស្បតិ៍ដោយសារព័ត៌មានរដ្ឋ Korean Central News Agency ឲ្យដឹងថា "អត្ថន័យពិតនៃការដកនុយក្លេអ៊ែរចេញពីឧបទ្វីបកូរ៉េ គឺមានន័យថាទាល់តែលប់បំបាត់ការគំរាមកំហែងនុយក្លេអ៊ែរពីអាមេរិកមកលើកូរ៉េខាងជើង ទើបយើងដកនុយក្លេអ៊ែររបស់យើងដែរ។" នេះមានន័យថា អាមេរិកត្រូវបិទ "ឆ័ត្រនុយក្លេអ៊ែរ” របស់ខ្លួនក្នុងតំបន់ ដែលជាបណ្ដាញនាវាមុជទឹកនុយក្លេអ៊ែរ និងយន្ដហោះទម្លាក់គ្រាប់បែកដែលកំពុងប្រតិបត្តិការនៅឆ្នេរសមុទ្រកូរ៉េខាងត្បូង និងជប៉ុន។
លើសពីនេះទៀត សេចក្ដីអធិប្បាយបញ្ជាក់យ៉ាងច្បាស់ថា កូរ៉េខាងជើងនឹងមិនប្ដូរជំហររបស់ខ្លួនលើការដកនុយក្លេអ៊ែរនោះទេ បើទោះបីជាមានកិច្ចប្រជុំកំពូលកាលពីខែមិថុនាក្នុងប្រទេសសិង្ហបុរីក៏ដោយ។ សេចក្ដីអធិប្បាយក៏បានជំទាស់ថា ការដកនុយក្លេអ៊ែរដោយគ្មានការធានាសុវត្ថិភាពពីក្រុងវ៉ាស៊ីនតោនជាមុន នឹងធ្វើឲ្យកូរ៉េខាងជើងក្លាយជាប្រទេសគ្មានការការពារ។
គួរបញ្ជាក់ថា ចាប់តាំងពីខែមិថុនារហូតមកទល់ពេលនេះ សហរដ្ឋអាមេរិក និងកូរ៉េខាងជើងនៅតែស្ថិតក្នុងភាពជាប់គាំងក្នុងការចរចាស្តីពីរបៀបដែលក្រុងព្យុងយ៉ាងនឹងដកអាវុធនុយក្លេអ៊ែរជាថ្នូរនឹងការបន្ធូរបន្ថយទណ្ឌកម្ម៕
