- 2018-12-23 03:00:38
- ព័ត៌មាន
ក្តៅៗ! រលកយក្សស៊ូណាមិ វាយប្រហារឥណ្ឌូនេស៊ី ស្លាប់និងរបួសជាង៦០០នាក់
- 2018-12-23 03:00:38
- ចំនួនមតិ 0 | ចំនួនចែករំលែក 0
ក្តៅៗ! រលកយក្សស៊ូណាមិ វាយប្រហារឥណ្ឌូនេស៊ី ស្លាប់និងរបួសជាង៦០០នាក់
ចន្លោះមិនឃើញ
យ៉ាងហោចណាស់មានមនុស្សចំននួន ៤៣នាក់បានស្លាប់ និង ៥៨៤នាក់ផ្សេងទៀតបានរងរបួស បន្ទាប់ពីរលកយក្សស៊ូណាមិ បានវាយប្រហារលើតំបន់ឆ្នេរសមុទ្រ Sunda Strait របស់ប្រទេសឥណ្ឌូនេស៊ី។ ហេតុការណ៍នេះបានកើតឡើងនៅវេលាម៉ោង០៤និង៣០នាទីព្រឹក ថ្ងៃអាទិត្យ ទី២៣ ខែធ្នូ ឆ្នាំ២០១៨ នេះតែម្តង។
ភ្នាក់ងារគ្រប់គ្រងគ្រោះមហន្តរាយរបស់ប្រទេសនេះនិយាយថា មនុស្ស២នាក់ទៀតកំពុងបាត់ខ្លួននៅឡើយ ហើយអគាររាប់រយខ្នងបានរងការខូចខាត។ ភ្នាក់ងារនេះដដែលអះអាងថា មូលហេតុដែលបណ្តាលឲ្យកើតមានរលកយក្សស៊ូណាមិនេះឡើយ គឺអាចមកពីការរអិលបាក់ដីក្រោមបាតសមុទ្រ បន្ទាប់ពីភ្នំភ្លើង Krakatoa ផ្ទុះឡើង។
គួរឲ្យដឹងថា តំបន់ឆ្នេរសមុទ្រ Sunda Strait ស្ថិតនៅចន្លោះរវាងកោះ Java និង Sumatra ដែលភ្ជាប់សមុទ្រ Java Sea ទៅកាន់មហាសមុទ្រឥណ្ឌា។ យ៉ាងណាមិញ ចំនួនអ្នកស្លាប់ខាងលើ ត្រូវបានរាយការណ៍នៅតំបន់ Pandeglang, South Lampung និង Serang តែប៉ុណ្ណោះ៕
