កុំច្រេញច្រុញងូតទឹកឲ្យកូនង៉ែតទៀត ដឹង៥រឿងនេះហើយ ប្រុសៗក៏អាចជួយប្រពន្ធបានដែរ

2018-12-26 04:10:00
ការអប់រំ

2018-12-26 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសម្រាលកូនរួច ការងូតទឹកឲ្យទារក នឹងតម្រូវឲ្យមានប្រចាំរៀងរាល់ថ្ងៃ ដើម្បីរក្សាអនាម័យ។ វាអាចជារឿងពិបាកបន្តិចសម្រាប់អ្នកម្ដាយថ្មីថ្មោង ប៉ុន្តែអ្នកម្ដាយ ពិសេសលោកឳពុក ឬសមាជិកគ្រួសារដទៃ គួរយល់ដឹងអំពីវិធីសាស្ត្រនេះ ដើម្បីផ្ដល់ភាពងាយស្រួល ជាអត្ថប្រយោជន៍ សុវត្ថិភាពទាំងផ្លូវកាយ និងផ្លូវចិត្តទារក។

រូបតំណាង

បើតាមប្រភពពីទំព័រហ្វេសប៊ុក មន្ទីរពេទ្យកាល់ម៉ែត បានចុះផ្សាយពីដំណាក់កាលនៃការងូតទឹកឲ្យទារក ដើម្បីជូនជាចំណេះដឹងសម្រាប់លោកអ្នកអាចត្រៀមលក្ខណៈ និងអាចអនុវត្តដោយខ្លួនឯងនៅផ្ទះដូចខាងក្រោម។

១. ការត្រៀមលក្ខណៈទុកជាមុន

លោកអ្នកគួរត្រៀមទុកជាមុន ដើម្បីមានផាសុកភាព និងទារកមានភាពសុខស្រួល លោកអ្នកអាចប្រើកាយវិការថ្នមៗ និយាយលេងជាមួយទារក និងប្រុងប្រយ័ត្នពេលណាដែលមានភាពត្រជាក់។

រូបតំណាង

២. ការរៀបចំ

សម្ភារៈគ្រប់គ្រាន់ និងនៅទំនេរ (ថ្មី)
ការគោរពអនាម័យ
កាយវិការ សកម្មភាពសមហេតុ សមផល។

៣. ការថែទាំត្រូវធ្វើឲ្យបានហ្មត់ចត់

ជំហានដំបូងមុនធ្វើការថែទាំ

គ្រប់សម្ភារៈទាំងអស់ត្រូវរៀបចំក្នុងបន្ទប់ដែលត្រូវងូតទឹក ដូចជាៈ កាធុនងូតទឹក ទែរម៉ូមែត្រវាស់កម្ដៅ វាស់ទឹកនិងទារក កន្សែង សំលៀកបំពាក់ កន្ទបរបស់ ទារក កុំប្រេស សំឡី ធុងសំរាមនៅជិត។
សម្ភារៈ និងកន្លែងងូតត្រូវស្អាត និងត្រូវបានសម្លាប់មេរោគ

រូបតំណាង

សីតុណ្ហភាពទឹកត្រូវបានត្រួតពិនិត្យ (បើគ្មានទែម៉ូម៉ែត្រសំរាប់វាស់ ត្រូវយកសីតុណ្ហភាពជាមួយផ្នែកខាងក្នុងនៃដើមដៃ)
បញ្ចូលទឹក ៣៨អង្សារសេ (បើចាំបាច់ត្រួតពិនិត្យសីតុណ្ហភាពនៃបន្ទប់)
ប្រុងប្រយ័ត្នចំពោះគុណភាព និងសីតុណ្ហភាពនៃទឹក។

៤. នៅពេលងូតទឹក

លាងដៃមុនការចាប់ផ្ដើមថែទាំ
ជៀសវាងការធ្វើឲ្យទារករងា (ទារកនៅស្រាតរយៈពេលខ្លីបំផុត)
លើកដាក់ទារកជាមួយកាយវិការៗថ្នម និងនិយាយជាមួយទារក

រូបតំណាង

ដកកន្ទបសំអាតកន្លែងគូថ បើសិនមានលាមក។ លាងដៃជាមួយសាប៊ូ ឬទឹកអ៊ីដ្រូអាល់កុលលីក
លាងសំអាតរាងកាយទារកជាមួយសាប៊ូសមស្របបើចាំបាច់
ជូតសំអាតតាមលំដាប់ដូចនេះ ផ្នត់ ក ក្លៀក ខ្នង ពោះ ផ្នត់ក្រលៀន ភ្លៅ (ខាងលើ និងក្រោម)។

៥. ចំណុចត្រូវប្រុងប្រយ័ត្ន

នៅខាងក្រៅនៃប្រដាប់ភេទ (ទៅពីក្រោមពោះដល់រន្ធគូថ) និងគូថ។