- 2018-12-29 07:41:37
- ព័ត៌មាន
តោះ! ចំណាយ ៥នាទីធ្វើ ៥ជំហានងាយៗនេះដើម្បកំណត់គោលដៅជីវិតខ្លួនឲ្យច្បាស់សម្រាប់ឆ្នាំថ្មី
- 2018-12-29 07:41:37
- ចំនួនមតិ 0 | ចំនួនចែករំលែក 0
តោះ! ចំណាយ ៥នាទីធ្វើ ៥ជំហានងាយៗនេះដើម្បកំណត់គោលដៅជីវិតខ្លួនឲ្យច្បាស់សម្រាប់ឆ្នាំថ្មី
ចន្លោះមិនឃើញ
ពាក្យថា «គោលដៅជីវិត» មានន័យថាជាអ្វីដែលអ្នកចង់សម្រេចបានបំផុតក្នុងជីវិត ហើយវាត្រូវតែកំណត់ឲ្យបានច្បាស់ជាដំណាក់កាល ព្រោះយើងមិនអាចសម្រេចបានរឿងជាច្រើនក្នុងពេលតែមួយឡើយ។ គោលដៅធំមួយ គឺជាបណ្ដុំនៃភាពជោគជ័យតូចៗជាច្រើន។
វាសំខាន់ព្រោះអ្នកដែលដឹងច្បាស់ពីគោលដៅខ្លួនឯង នឹងអាចរៀបចំខ្លួនបានល្អដើម្បីឈោងទៅសម្រេចគោលដៅនោះឆាប់រហ័ស ជាងអ្នកដែលគ្មានគោលដៅច្បាស់លាស់ ឬវង្វេងផ្លូវ ដែលទីបំផុតអាចនឹងមិនសល់អ្វីសោះពេលខ្លួនចាស់ទៅក៏មាន។
ដើម្បីកំណត់គោលដៅជីវិត អ្នកអាចចាប់ផ្តើមតាមជំហានងាយៗទាំង ៥ នេះ ដូចជា ៖
ទី១.សួរខ្លួនឯងថា អ្វីដែលអ្នកចូលចិត្តធ្វើបំផុត? ៖
មិនថានៅផ្ទះ ឬនៅកន្លែងធ្វើការ និងតាំងពីក្មេងមក អ្វីដែលអ្នកយល់ថាខ្លួនពេញចិត្តនឹងធ្វើបំផុត ធ្វើយ៉ាងម៉េចក៏មិនចេះធុញ និងនឿយហត់ ហើយកិច្ចការទាំងនោះគួរតែជាអ្វីដែលមានតម្លៃ និងមានប្រយោជន៍ផងដែរ។
ទី២.សួរខ្លួនឯងថាអ្នកជាអ្នកណា? ៖
អ្នកត្រូវស្គាល់ខ្លួនឯងឲ្យច្បាស់ ថាបច្ចុប្បន្នអ្នកមានចំណុចខ្លាំង និងខ្សោយអ្វីខ្លះ អ្នកណាដែលធ្វើឲ្យអ្នកស្ញប់ស្ញែងបំផុត និងចង់ដូចម្នាក់នោះ អីចឹងអ្នកត្រូវរៀនអ្វីបន្ថែមទៀតដើម្បីឈានដល់ចំណុចនោះដែរ។
ទី៣.អ្នកធ្វើដើម្បីអ្នកណា? ៖
ក្រៅពីដើម្បីខ្លួនឯងទទួលបានសុភមង្គលពិតប្រាកដ អ្នកក៏គួរតែមានមនុស្សសំខាន់ក្នុងជីវិតផ្សេងទៀត ដើម្បីជាកម្លាំងចិត្តដល់អ្នក ជម្នះពេលជួបការលំបាក ឧទាហរណ៍ដូចជាអ្នកម្តាយ និងលោកឪពុក ឬ គូស្នេហ៍ ដែលអ្នកចង់ឃើញពួកគាត់រីករាយពេលអ្នកជោគជ័យជាដើម។
ទី៤.រៀបផែនការដើម្បីសម្រេចគោលដៅ ៖
បើអ្នកគ្រាន់តែគិតហើយទុកក្នុងចិត្តនោះ អ្នកអាចនឹងភ្លេច។ គួរមានសៀវភៅកំណត់ហេតុតូចមួយ កត់ត្រាគោលដៅនោះទុកដើម្បីឲ្យវាជាក់លាក់ ហើយព្រៀងគំនិត និងសកម្មភាពផ្សេងៗ ជាចំណុចៗ និងកំណត់Timeline ដើម្បីសម្រេចគោលដៅ។កុំដាក់សម្ពាធខ្លួនឯងពេក ធ្វើវាតាមសម្រួល ពេលទំនេរក៏បាន ពេលណាដែលនឹកឃើញក៏បាន។
ទី៥.សិក្សាឱកាស ៖
ពេលអ្នកចាប់កាន់ប៊ិចសរសេរគោលដៅ និងគម្រោងរបស់ខ្លួននោះ អ្នកនឹងគិត ហើយគំនិតនឹងកាន់តែបែក។ ដូច្នេះអ្នកនឹងមើលឃើញកាន់តែច្បាស់ពីតម្រូវការផ្សេងៗដែលអ្នកត្រូវបំពេញដើម្បីសម្រេចគោលដៅ។ គួរបង្កើតទំនាក់ទំនងជាមួយមនុស្សដែលពោរពេញដោយបទពិសោធន៍ជីវិត និងចំណេះដឹង ដែលអ្នកអាចពិភាក្សា ឬប្រឹក្សាយោបល់ជាមួយបាន អាចជាសាស្ត្រាចារ្យនៅសាលា ឬ រៀមច្បងនៅកន្លែងធ្វើការ ឬ មិត្តស្និតស្នាលយល់ចិត្តជាដើម។
មួយថ្ងៃគួរចំណាយពេល យ៉ាងតិច ៥នាទី ទៅ១០នាទី រំលឹកខ្លួនឯងពីការគោលដៅជីវិត និងUpdate ពីការសម្រេចបានរបស់ខ្លួនឯងនៅថ្ងៃនេះ ហើយថ្ងៃស្អែកត្រូវបន្តសកម្មភាពអ្វីទៀតដើម្បីទៅឲ្យកាន់តែកៀកគោលដៅទាំងនោះ។ កុំសម្រុកទៅមុខខ្លាំងពេក ត្រូវយល់កាលៈទេសៈ ចេះបត់បែន និងវិភាគពីការប្រថុយប្រថានដែលអាចកើតមានផង៕
អត្ថបទទាក់ទង៖