- 2019-01-02 04:50:00
- សុខភាព
កុំចេះតែជឿតាមគេ! មកដឹង ៣ចំណុច ពីអ្នកជំនាញជំងឺក្រិនថ្លើម
- 2019-01-02 04:50:00
- ចំនួនមតិ 0 | ចំនួនចែករំលែក 0
កុំចេះតែជឿតាមគេ! មកដឹង ៣ចំណុច ពីអ្នកជំនាញជំងឺក្រិនថ្លើម
ចន្លោះមិនឃើញ
ជំងឺក្រិនថ្លើម គឺជាការខូចខាតនូវកោសិកាថ្លើមដែលធ្វើអោយថ្លើមមិនអាចបំពេញមុខងាររបស់វាបានធម្មតា។ប្រភពពីទំព័រហ្វេសប៊ុក មន្ទីរពេទ្យកាល់ម៉ែត បានចុះផ្សាយរៀបរាប់ពីចំណុចសំខាន់ៗ ដែលជាការសម្គាល់នៃជំងឺក្រិនថ្លើម សម្រាប់ចែករំលែកជូនសាធារណជន។
១. មូលហេតុចម្បង
នៅប្រទេសកម្ពុជាយើង ជំងឺក្រិនថ្លើមបណ្ដាលមកពីមូលហេតុចម្បងចំនួន ៣គឺៈ
ជំងឺរលាកថ្លើមប្រភេទ B
ជំងឺរលាកថ្លើមប្រភេទ C
ក្រៅពីនេះក៏មានមូលហេតុផ្សេងទៀត ដូចជាការរលាកថ្លើមដោយការប្រើប្រាស់ថ្នាំរយៈពេលយូរ ដោយមិនមានវេជ្ជបញ្ជាត្រឹមត្រូវ ដោយខ្លាញ់រុំថ្លើម ឬដោយលើសជាតិដែក។
២. រោគសញ្ញា
ជាទូទៅនៅដំណាក់កាលដំបូង ជំងឺក្រិនថ្លើមមិនមានរោគសញ្ញាអ្វីធំដុំនោះទេ។ បើយកចិត្តទុកដាក់យើងអាចឃើញអ្នកជំងឺមានភ្នែកពណ៌លឿងជាងធម្មតា។ ជំងឺក្រិនថ្លើមលេចចេញជារោគសញ្ញានៅពេលដែលអ្នកជំងឺមានស្ថានភាពធ្ងន់ធ្ងរ។ រោគសញ្ញាទាំងនោះរួមមានៈ
កើតលឿង
សរសៃឈាមរាងដូចផ្កាយតូចៗរាងដូចផ្កាយនៅលើដងខ្លួន
ទាចទឹក
ក្អួតឈាម បត់ជើងធំមកមានឈាម ឬលាមខ្មៅ ដោយមានការបែកសរសៃឈាមក្នុងបំពង់អាហារ
វង្វេងបាត់ស្មារតីឬសន្លប់។
៣. ការធ្វើរោគវិនិច្ឆ័យ
ការធ្វើរោគវិនិច្ឆ័យជំងឺក្រិនថ្លើម គឺពឹងផ្អែកលើការវិភាគទៅលើរោគសញ្ញារបស់អ្នកជំងឺនិងអេកូពោះ។ ប្រភពពីទំព័រហ្វេសប៊ុកមន្ទីរពេទ្យកាល់ម៉ែតបានបញ្ជាក់បន្តថា នៅដំណាក់កាលដំបូងការធ្វើរោគវិនិច្ឆ័យអាចមានការលំបាកដោយអ្នកជំងឺ មិនមានរោគសញ្ញាច្បាស់លាស់ ការធ្វើរោគវិនិច្ឆ័យត្រូវពឹងទៅលើការធ្វើហ្វីប្រូស្គេន ឬការបូមយកកោសិកាថ្លើមទៅពិនិត្យ។
