- 2019-01-03 08:40:03
- ការអប់រំ
មានអ្នកជំពាក់លុយ តែមិនហ៊ានទារចំៗ អាចបញ្ចេញចរិត៥យ៉ាងនេះ ដឹងតែគេភ្ញាក់ខ្លួនព្រើត
- 2019-01-03 08:40:03
- ចំនួនមតិ 0 | ចំនួនចែករំលែក 0
មានអ្នកជំពាក់លុយ តែមិនហ៊ានទារចំៗ អាចបញ្ចេញចរិត៥យ៉ាងនេះ ដឹងតែគេភ្ញាក់ខ្លួនព្រើត
ចន្លោះមិនឃើញ
ជឿទៅលើលោកនេះ គ្មានអ្នកណាចង់ប្រឡេះលុយចេញពីហោប៉ៅរបស់ខ្លួនឲ្យអ្នកដទៃខ្ចីនោះទេ តែក៏ព្រោះតែមិត្តភាព និងទឹកចិត្តមិនអាចកាត់ថ្លៃបាន ទើបមនុស្សម្នាក់ហ៊ានយកលុយខំរកដោយញើសឈាមឲ្យម្នាក់ទៀតខ្ចី។ ដូច្នេះហើយបើមានលុយកាលណាត្រូវរូតរះយកទៅសង់ឲ្យគ្រប់ចំនួន និងតាមកាលកំណត់ច្បាស់លាស់។ ករណីមិនព្រមសងតាមពាក្យសន្យា មិនថាកូនបំណុលនោះធ្លាប់ជាមនុស្សជិតស្និទ្ធប៉ុណ្ណាក៏ដោយ អ្នកគួរបង្ហាញទង្វើ៥យ៉ាងដូចខាងក្រោមនេះ៖
១. ត្អូញត្អែរអំពីការចំណាយដ៏ច្រើនលើសលប់របស់យើងនៅចំពោះមុខគេ
ចំណុចនេះ ម្ចាស់បំណុលគួរតែត្អូញត្អែរ ឫរៀបរាប់អំពីការចំណាយដ៏ច្រើនរបស់យើងនៅចំពោះមុខគេ មានន័យថា ចង់បញ្ជាក់ថា កំពុងអស់លុយចាយហើយ និងជាវិធីសាស្ត្របែបត្រជាក់មួយដើម្បីរំលឹកអ្នកជំពាក់លុយ។ ដូច្នេះក្នុងនាមគេជាកូនបំណុល គួរណាស់តែយល់ពីការលំបាករបស់មិត្តភក្ដិ និងគួរតែសរសើរពីសីលធម៌របស់យើង ដែលមិនមកទារលុយបែបកាចៗ តែប្រើវិធីសាស្ត្រទន់ភ្លន់ចំពោះគេ ហើយក៏ប្រញាប់សងមិត្តភក្ដិភ្លាមៗដែរ។
២. ឧស្សាហ៍បង្ហោះលើបណ្ដាញសង្គមជុំវិញរឿងអ្នកមិនសងលុយ
នេះគឺជាវិធីសាស្ត្រក្រើនរំលឹកកូនបំណុល បែបបច្ចេកវិទ្យា គឺឧស្សាហ៍សរសេរ Quote អំពីរឿងអ្នកជំពាក់លុយ ឫបង្ហោះរូបកាបូបលុយទទេស្អាត និងសរសេរបែបបញ្ឆិតបញ្ឆៀងជាច្រើនទៀត គ្រាន់តែមិនបញ្ជាក់ចំៗឈ្មោះប៉ុណ្ណោះ។ ប្រសិនជាកំពុងជំពាក់លុយយើង ហើយឃើញករណីបែបនេះលោតនៅលើផ្ទាំង Newsfeed លើហ្វេសប៊ុករបស់គេ គេនឹងភ្ញាក់ខ្លួន ថាយើងបង្ហោះថាឲ្យនរណាឃើញ គឺប្រាកដជាគេនេះហើយ ដែលជំពាក់លុយគេរាប់ខែមិនព្រមសង។
៣. ធ្វើជាមករកខ្ចីលុយអ្នកកំពុងជំពាក់ខ្លួន
ចម្លែកទេ ដែលនៅសុខៗ ស្រាប់តែម្ចាស់បំណុលមកសួររកខ្ចីលុយ កូនបំណុលរបស់ខ្លួនទៅវិញ? នេះគឺជាវិធីសាស្ត្របែបក្ដៅៗ ចំកណ្ដាលមុខហើយ។ នេះជាការទារលុយបែបចិត្តសាស្ត្រ ក្ដៅស៊ីរាក់ត្រជាក់ស៊ីជ្រៅរបស់ម្ចាស់បំណុល ដែលបង្ហាញថា មិនដឹងជាមានរឿងអ្វីកើតឡើងទេ បើគេនៅតែមិនព្រមសងលុយ។
៤. ទៅសួរដោយត្រង់ៗថាបើកប្រាក់ខែនៅ មានចាំទេថាជំពាក់លុយអ្នកណា?
បន្ទាប់ពីការអត់ធ្មត់របស់ម្ចាស់បំណុល ចាប់ផ្ដើមធ្លាក់ចុះ នេះគឺជាវិធីសាស្ត្រសួរបញ្ឆិតបញ្ឆៀង តែបែបចំៗ។ ករណីក្នុងនាមជាម្ចាស់បំណុលអាចទៅសួរត្រង់ៗថា៖ «បើកប្រាក់នៅ?» «កាលណាបានសងលុយគ្នា?» «ជិតដាច់ឆ្នាំហើយគ្នាត្រូវការលុយប្រើប្រាស់» ជាដើម។ បើម្ចាស់បំណុលមកសួរត្រង់បែបនេះហើយ តើគេអាចបន្តទុលលុយទៀតទេ?
៥. ធ្វើមុខស្ងួតៗលែងសូវមាត់ករពេលជួបគេ
ជាសញ្ញាណមួយបញ្ជាក់ថា មិត្តភក្ដិសំណព្វចិត្តដែលព្រមឲ្យលុយគេខ្ចីនោះ កំពុងអន់ចិត្តរឿងជំពាក់មិនសងទាន់សងនឹងហើយ គ្មានអ្វីក្រៅពីរឿងហ្នឹងទៀតទេ។ ជំហានដំបូង យើងគ្រាន់តែមិនមាត់មិនករតែប៉ុណ្ណោះ តែជំហានបន្ទាប់ទៀត គ្មានអ្នកណាអាចស្មានទុកថា នឹងមានរឿងអ្វីកើតឡើងនោះទេ។ ដូច្នេះគេត្រូវតែសងលុយជាបន្ទាន់ គឺជាឱសថដ៏ស័ក្ដិសិទ្ធិបំផុត ដើម្បីយកមកដោះស្រាយក្នុងស្ថានភាពដ៏តានតឹងនេះ៕