- 2019-01-03 09:40:00
- ការអប់រំ
រៀនស្កប់ស្កល់នឹងជីវិត ចាកឆ្ងាយពីភាពលោភលន់ តាម៤ចំណុចវិជ្ជមានបំផុតនេះខ្លះក៏ល្អ
- 2019-01-03 09:40:00
- ចំនួនមតិ 0 | ចំនួនចែករំលែក 0
រៀនស្កប់ស្កល់នឹងជីវិត ចាកឆ្ងាយពីភាពលោភលន់ តាម៤ចំណុចវិជ្ជមានបំផុតនេះខ្លះក៏ល្អ
ចន្លោះមិនឃើញ
ក្នុងការរស់នៅប្រចាំថ្ងៃ មនុស្សគ្រប់គ្នារមែងប្រាថ្នារស់នៅមានភាពរីករាយ ក្នុងជីវិតដ៏វិជ្ជមានមួយ។ តែទោះជាយ៉ាងណាក្ដី ជីវិតមនុស្សយើង គឺតែងមានឡើង មានចុះ មានន័យថា វាមិនអាចចេះតែដូចយើងចង់បាននោះទេ។ លោកអ្នកខ្លះប្រហែលជាធ្លាប់លឺហើយពាក្យថា វិជ្ជមាន និងអវិជ្ជមាន ពាក្យទាំង២នេះ អាចមានន័យជំនួសឲ្យរឿងល្អ និងរឿងមិនល្អដូច្នេះដែរ។
៤ចំណុចខាងក្រោមនេះ អាចជាចំណែកជួយអ្នកឲ្យចេះស្កប់ស្កល់នឹងជីវិត រស់នៅពោរពេញដោយភាពវិជ្ជមាន ដែលគ្រប់គ្នាតែងប្រាថ្នាបំផុត។
១. គ្រប់គ្រងការគិតខ្លួនឯង
ចំណុចដំបូងនេះ សំដៅដល់ការគ្រប់គ្រងការគិតខ្លួនអ្នកផ្ទាល់។ មិនថាសុខ ឬទុក្ខទេ ច្បាស់ណាស់ គឺមានតែអ្នកទេដែលដឹងច្បាស់ ដូច្នេះបើអ្នកចេះគ្រប់គ្រង នោះអ្នកនឹងមិនងាយចេះរំជើបរំជួល ឬម្ដងរីករាយចង់ហោះ ម្ដងកើតទុក្ខសឹងដាច់ខ្យល់នោះទេ។
ដូច្នេះ សូមប្រយ័ត្នផង ហើយរៀនបន្សាំខ្លួនឲ្យចាស់ទុំជាងមុន មិនឆេវឆាវ ធ្វើអ្វីតាមអារម្មណ៍។ រាល់ពេលធ្វើអ្វី ត្រូវចេះគិតវែងឆ្ងាយច្បាស់លាស់ នឹងអាចរៀនដឹងខ្លះអ្វីជាលទ្ធផលក៏ល្អដែរ។
២. ចងចាំជានិច្ចពាក្យថា វិជ្ជមាន
មិនខុសទេ បើយើងចង់បានសេចក្ដីសុខ និងមានតែភាពវិជ្ជមាន គឺអ្នកត្រូវចេះទន្ទេញពាក្យនេះ ឲ្យជាប់មាត់ដើម្បីរំលឹកខ្លួនឯងជានិច្ច កុំឲ្យភ្លេច។ អ្វីដែលសំខាន់ ហើយជួយអ្នកឲ្យឆាប់សម្រេចគោលដៅនោះ គឺកុំភ្លេចអនុវត្តអំពើល្អផង ដោយសុចរិត មិនមែនដេកទន្ទេញ ហើយអត់មានសកម្មភាពអ្វីនោះទេ។
៣. រៀនស្គាល់ និងដឹងអ្វីទៅនាំបញ្ហា
បើតាមលោក Mark Manson អ្នកនិពន្ធល្បីឈ្មោះ មួយរូបបានសរសេរសៀវភៅឈ្មោះ The Subtle Art of not Giving A F*ckបានបញ្ជាក់ថា ជាការពិតមានបញ្ហាជាច្រើនដែលបានកើតមានក្នុងជីវិតមនុស្ស។ ប៉ុន្តែអ្នកអាចមិនចាំបាច់ត្រូវខ្វល់ខ្វាយច្រើនពេកទេ ប៉ុន្តែតាមជាក់ស្ដែង គឺវាមិនអាចទៅរួចឡើយ។ ចំណុចនេះ បើនៅក្នុងជីវភាពរស់នៅ គឺវិញវាតែងមានទាំងរឿងល្អ និងរឿងមិនល្អនានា ដែលសុទ្ធតែអាចកើតមានឡើងគេចមិនបាន។ ដូច្នេះហើយ ចាំបាច់យើងត្រូវរៀនដឹងពីបញ្ហា ហើយអ្វីទៅដែលអាចជាឫសគល់នាំបញ្ហា។
៤. រៀននិយាយបដិសេធ ឬថា ទេ ខ្លះទៅ
អ្នកមិនអាចត្រូវតែនិយាយយល់ព្រមគ្រប់ពេល រហូតមិនហ៊ានបដិសេធរាល់ការស្នើសុំនានាពីអ្នកដទៃនោះទេ។ បើដឹងថាអ្នកធ្វើវាមិនបានល្អ ឬរវល់ដកដៃមិនរួចទេ សូមប្រាប់ទៅអ្នកមកស្នើសុំដោយសម្រួល បង្ហាញពីការបដិសេធ។ សូមកុំទ្រាំ ឬបង្ខំចិត្តទទួលធ្វើទទឹងទិស ទាំងដឹងថាខ្លួនធ្វើមិនកើត។ សម័យនេះ កុំរវល់តែនៅខ្លាចចិត្តគេ ដោយបង្ខំខ្លួនឯងធ្វើគ្រប់១០០មុខ ព្រោះខ្លាចគេថាអន់ រហូតឆៅយកជាការមិនបានសូម្បីតែ១ ខាតពេល ហើយនាំខ្មាសគេជាងការនិយាយបដិសេធមុនទៅទៀត។
