- 2019-01-09 10:49:39
- សេដ្ឋកិច្ច
Wing ចាប់ដៃ MoneyGram ផ្ដល់សេវាផ្ទេរលុយលំដាប់ពិភពលោក
- 2019-01-09 10:49:39
- ចំនួនមតិ 0 | ចំនួនចែករំលែក 0
Wing ចាប់ដៃ MoneyGram ផ្ដល់សេវាផ្ទេរលុយលំដាប់ពិភពលោក
ចន្លោះមិនឃើញ
ធនាគារឯកទេស Wing ដែលជាក្រុមហ៊ុនឈានមុខគេផ្នែកធនាគារចល័តនៅកម្ពុជាបានប្រកាសពីភាពជាដៃគូរបស់ខ្លួនជាមួយក្រុមហ៊ុន MoneyGram ដើម្បីផ្តល់នូវជម្រើសបន្ថែមនៃសេវាកម្មផ្ទេរប្រាក់អន្តរជាតិពី ២០០ ប្រទេសផ្សេងគ្នា ពោលគឺជុំវិញពិភពលោកតែម្ដង។
ភាពជាដៃគូនេះនឹងនាំមកនូវភាពងាយស្រួលបន្ថែមទៀតសម្រាប់ប្រជាជនកម្ពុជាដែលរស់នៅក្រៅប្រទេស ហើយមានតម្រូវការផ្ទេរប្រាក់ទៅកាន់មនុស្សជាទីស្រលាញ់ដែលរស់នៅកម្ពុជា។ បច្ចុប្បន្ន អតិថិជននៅកម្ពុជាអាចទទួលប្រាក់ដែលផ្ទេរពីក្រៅប្រទេសតាមរយៈក្រុមហ៊ុន MoneyGram នៅការិយាល័យកណ្តាលរបស់ធនាគារឯកទេស Wing។ ហើយនៅក្នុងបន្តិចទៀតនេះ អតិថិជនក៏អាចទទួលបានសេវាកម្មនេះ នៅតាមភ្នាក់ងារ Wing នៅក្នុងប្រទេសកម្ពុជា។
លោក ចូចូ ម៉ាឡូឡូស អគ្គនាយក ធនាគារឯកទេសWing បានលើកឡើងថា វាគឺជាកិត្តិយសមួយសម្រាប់ធនាគារឯកទេសវីង ក្នុងការចាប់ដៃគូសហការ ជាមួយក្រុមហ៊ុន MoneyGram ដែលជាក្រុមហ៊ុនផ្តល់សេវាផ្ទេរប្រាក់ធំបំផុតមួយនៅលើពិភពលោក ដើម្បីចូលរួមចំណែកដល់ការដាក់បញ្ចូលហិរញ្ញវត្ថុសម្រាប់អតិថិជននៅក្នុងប្រទេសកម្ពុជា។
ចំណែកលោក Sukesh Malliah នាយកគ្រប់គ្រងនៃក្រុមហ៊ុន MoneyGram ប្រចាំតំបន់ឥណ្ឌូចិន ម៉ាឡេស៊ី និងប្រ៊ុយណេបានមានបញ្ចេញភាពត្រេកអរដែរថា កិច្ចសហការជាដៃគូជាមួយ Wing គឺជាជំហានមួយទៀតសម្រាប់ក្រុមហ៊ុនដើម្បីសម្រេចបាននូវបេសកកម្មរបស់ក្រុមហ៊ុន។
ភាពជាដៃគូជាមួយ MoneyGram មានរយៈពេលមួយខែបន្ទាប់ពី Wing បានណែនាំសេវាកម្ម "Wing2World" ដែលជាសេវាផ្ទេរប្រាក់អន្តរជាតិដែលអាចឲ្យអតិថិជនផ្ទេរប្រាក់ និងទទួលប្រាក់ពីក្រៅប្រទេស។ តាមរយៈសេវាកម្មខុសៗគ្នារបស់ដៃគូផ្ទេរប្រាក់ពីក្រៅប្រទេសរបស់ Wing អតិថិជន អាចចូល ទៅក្នុងកម្មវិធី កម្មវិធី SmartPhone Wing ដើម្បីធ្វើប្រតិបត្តិការរផ្ទេរប្រាក់ទៅក្រៅប្រទេស ដូចជាប្រទេសហ្វីលីពីន និងវៀតណាមជាដើម។ អ្នកទទួលប្រាក់នៅកម្ពុជាក៏អាចទទួលប្រាក់ពីជាង២០០ ប្រទេស តាមរយៈភ្នាក់ងារ ឬកម្មវិធី SmartPhone Wing ផងដែរ៕