- 2019-01-12 07:13:54
- ព័ត៌មាន
កូនស្រី ដូណាល់ ត្រាំ ទំនងអាចក្លាយជាប្រធានធនាគារពិភពលោកថ្មី
- 2019-01-12 07:13:54
- ចំនួនមតិ 0 | ចំនួនចែករំលែក 0
កូនស្រី ដូណាល់ ត្រាំ ទំនងអាចក្លាយជាប្រធានធនាគារពិភពលោកថ្មី
ចន្លោះមិនឃើញ
យោងតាមរបាយការណ៍មួយកាលពីថ្ងៃសុក្រ បានឲ្យដឹងថា កូនស្រីរបស់ប្រធានាធិបតីអាមេរិក ដូណាល់ ត្រាំ និងជាទីប្រឹក្សារបស់លោកផ្ទាល់ គឺ លោកស្រី Ivanka Trump និងអតីតឯកអគ្គរដ្ឋទូតអង្គការសហប្រជាជាតិ លោកស្រី Nikki Haley ស្ថិតនៅក្នុងចំណោមបេក្ខភាពអាមេរិក ដែលអាចជំនួសតំណែងលោក Jim Yong Kim ជាប្រធានធនាគារពិភពលោកថ្មី។
កាលពីថ្ងៃសុក្រ ទី១១ ខែមករា ឆ្នាំ២០១៩ ម្សិលមិញនេះ សារព័ត៌មាន Financial Times បានរាយការណ៍ថា ក្រៅពីលោកស្រី Ivanka និង Nikki នៅមានអនុរដ្ឋលេខាធិការក្រសួងការបរទេសអាមេរិក លោក David Malpass និងលោក Mark Green ប្រធានទីភ្នាក់ងារសហរដ្ឋអាមេរិកសម្រាប់ អភិវឌ្ឍន៍អន្តរជាតិ ផងដែរ។
គួរឲ្យដឹងថា លោក Jim Yong Kim បានប្រកាសលាលែងពីតំណែងជាប្រធានធនាគារពិភពលោក កាលពីថ្ងៃច័ន្ទ ទី០៧ ខែមករា ឆ្នាំ២០១៩ ក្រោយកាន់តំណែងនេះអស់រយៈពេលជាង៣ឆ្នាំ មុនអាណត្តិទី២ របស់លោកត្រូវបញ្ចប់។
យ៉ាងណាមិញ ក្រុមប្រឹក្សាធនាគារពិភពលោក បានឲ្យដឹងកាលពីថ្ងៃព្រហស្បតិ៍ថា ពួកគេនឹងចាប់ផ្តើមទទួលយកការតែងតាំងសម្រាប់មេដឹកនាំថ្មី នៅដើមខែក្រោយ និងដាក់ឈ្មោះជំនួសលោក Kim នៅពាក់កណ្តាលខែមេសា៕
