- 2019-01-13 08:33:31
- ជំនឿ
ភ្ញាក់ផ្អើលខ្លាំង! ខ្មោចស្រីចិនម្នាក់ ត្រូវគេលួចពីផ្នូរ សង្ស័យយកទៅរៀបការ
- 2019-01-13 08:33:31
- ចំនួនមតិ 0 | ចំនួនចែករំលែក 0
ភ្ញាក់ផ្អើលខ្លាំង! ខ្មោចស្រីចិនម្នាក់ ត្រូវគេលួចពីផ្នូរ សង្ស័យយកទៅរៀបការ
ចន្លោះមិនឃើញ
សាកសពនារីវ័យក្មេងនៅភាគខាងជើងប្រទេសចិន ត្រូវបានគេលួចពីផ្នូរ គ្រួសាររបស់នាងជឿថាការបាត់សាកសពកូនស្រីរបស់ខ្លួនមានជាប់ពាក់ព័ន្ធនឹងអាពាហ៍ពិពាហ៍ខ្មោច។ នេះបើតាម Mirror ចុះផ្សាយថ្មីៗនេះ។
អាពាហ៍ពិពាហ៍ខ្មោចជាប្រពៃណីរបស់ជនជាតិចិនជាង៣ពាន់ឆ្នាំមកហើយ។ នៅពេលដែលកូនកំលោះឬកូនទើបភ្ជាប់ពាក្យមិនទាន់បានរៀបការ ឬ អ្នកស្លាប់ទៅទាំងវ័យក្មេងមិនទាន់មានគ្រួសារ បើគេមិនបានយកសាកសពស្រ្តីឬបុរសមករៀបការឲ្យខ្មោចនោះទេ ព្រលឹងដែលស្លាប់ទៅនឹងមិនបានសុខ។
កាលពីឆ្នាំ ២០១៥ សាកសពស្រ្តី១៤នាក់នៅក្នុងភូមិមួយស្ថិតនៅក្នុងខេត្ត សានស៊ី (Shanxi) ភាគខាងជើងប្រទេសចិន ត្រូវបានគេលួច។
គ្រួសារសពរបស់ក្មេងស្រីវ័យ១៨ឆ្នាំនោះ បាននិយាយថា នាងត្រូវបានគេបញ្ចុះជិត២ទសវត្សមកហើយ ដែលក្នុងនោះគ្មានរបស់មានតម្លៃអ្វីទេ។ ពួកគេបាននិយាយថា ធ្លាប់មានជនចម្លែកមកលេងផ្ទះរបស់ពួកគេ ដើម្បីសុំទិញសាកសពនាង ប៉ុន្តែពួគេបានបដិសេធ។
បើតាមជំនឿ អាពាហ៍ពិពាហ៍ខ្មោច អ្នកដែលស្លាប់ដោយមិនទាន់បានបន្តពូជពង្ស នោះព្រលឹងគេមិនអាចទៅរស់នៅជាមួយដូនតាពួកគេបានឡើយ ហើយប្រសិនបើកូនស្រីដែលស្លាប់ទៅហើយមិនទាន់បានរៀបចំអាពាហ៍ពិពាហ៍ខ្មោច នោះកូនស្រីរបស់ពួកគេក៏មិនត្រូវបានអនុញ្ញាតឲ្យបញ្ចុះជាផ្លូវការបានឡើយ
បណ្ឌិត Huang Jingchun អ្នកជំនាញខាងប្រពៃណីទំនៀមទំលាប់ នៅសាកលវិទ្យាល័យសៀងហៃ បាននិយាយថាអាពាហ៍ពិពាហ៍ខ្មោចនៅតែត្រូវបានគេប្រារព្ធនៅតាមជនបទប្រទេសចិន ព្រោះគេនៅតែជឿថា ស្លាប់នៅក្មេង អ្នកនឹងដេកក្នុងពិភពងងឹតតែម្នាក់ឯង សាច់ញាតិសពក៏មានការខ្លាចរអា ថាខ្មោចដែលស្លាប់ទៅមិនបានស្ងប់សុខនឹងត្រលប់មកគ្រួសារគេវិញ ដែលមានតែឧបទ្រពចង្រៃ ការដាក់បណ្ដាសា និង សេចក្តីស្លាប់។ នេះបើតាម ABC News ធ្លាប់បានចុះផ្សាយកាលពីឆ្នាំ ២០១៨។
របាយមិនស្មើគ្នា ដែលបុរសចិន លើសស្រ្តីដល់ទៅ ៣២,៦៦ លាននាក់ ខណៈដែលស្រ្តីភាគច្រើនទៅរកឱកាសការងារនៅទីក្រុង រីឯកម្មករអណ្តូងរ៉ែគឺជាការងារស្នូលរបស់បុរសក្នុងខេត្តដាច់ស្រយាលដូចជាសានស៊ី ហើយ បុរសវ័យក្មេងដែលស្លាប់ដោយសារគ្រោះថ្នាក់មកពីការងារក៏មានច្រើនដែរក្នុង១ឆ្នាំៗ។
ABC News បានរាយការណ៍ថា ឆ្នាំ២០១៦ក្នុងប្រទេសចិន លុយ ១៥០ ០០០ យ័ន (៣១ ០៥៩ ដុល្លារ) មិនអាចទិញសាកសពដើម្បីយកទៅរៀបចំអាពាហ៍ពិពាហ៍ខ្មោចបានទេ។
បុរសម្នាក់ឈ្មោះម៉ា ឆុងហួរ (Ma Chonghua) មកពីភាគពាយ័ព្យប្រទេសចិនបានសម្លាប់ស្ត្រីវិកលចរិត ២នាក់ដើម្បីលក់ ក្នុងតម្លៃ ៤០ ០០០ យ័ន (៨ ៣០០ ដុល្លារ) សម្រាប់អាពាហ៍ពិពាហ៍ខ្មោច។
នៅក្នុងប្រទេសចិនបច្ចុប្បន្ន មិនមានច្បាប់ជាក់លាក់ដើម្បីគ្រប់គ្រងអាពាហ៍ពិពាហ៍ខ្មោចទេ សូម្បីតែការលក់ឬទិញសាកសព៕
