- 2019-01-14 03:08:34
- ចរាចរណ៍
ល្អបំផុត! ស្ពានអាកាស៤ខ្សែទៀត គ្រោងសង់លើផ្លូវជាតិទាំង៤នេះ នៅកម្ពុជា
- 2019-01-14 03:08:34
- ចំនួនមតិ 0 | ចំនួនចែករំលែក 0
ល្អបំផុត! ស្ពានអាកាស៤ខ្សែទៀត គ្រោងសង់លើផ្លូវជាតិទាំង៤នេះ នៅកម្ពុជា
ចន្លោះមិនឃើញ
ក្នុងពិធីបើកការដ្ឋានសាងសង់ផ្លូវក្រវ៉ាត់ក្រុងទី៣ កាលពីថ្ងៃទី១៤ ខែមករា ឆ្នាំ២០១៩ នៅព្រឹកនេះ សម្ដេចអគ្គមហាសេនា បតី តេជោ ហ៊ុន សែន បានប្រកាសថា នឹងសាងសង់ស្ពានអាកាស៤ខ្សែបន្ថែមទៀតនៅប្រទេសកម្ពុជា។ ដោយស្ពានអាកាសទាំង៤ខ្សែនោះ គ្រោងសាងសង់នៅតាមផ្លូវជាតិលេខ២,៣,៤ និង២១ ដើម្បីសម្រួលចរាចរណ៍ឲ្យមានលក្ខណៈកាន់តែល្អប្រសើរឡើង។
យ៉ាងណាក្ដីនាយករដ្ឋមន្ត្រី នៃប្រទេសកម្ពុជា មិនទាន់បានបញ្ជាក់កាលបរិច្ឆេទ នៃការចាប់ផ្ដើមសាងសង់នៅឡើយនោះទេ។ បច្ចុប្បន្ននេះស្ពានអាកាសចំនួន៥ហើយបានដាក់ឲ្យដំណើរការនៅរាជធានីភ្នំពេញដូចជា៖ ស្ពានអាកាស៧មករា ស្ពានអាកាស៥មករា(សាលាតិចណូ ស្ពានអាកាសផ្សារដីហុយ ស្ពានអាកាសស្ទឹងមានជ័យ និងស្ពានអាកាសក្បាលថ្នល់។
គួរឲ្យដឹងដែរថា ផ្លូវក្រវាត់ក្រុងទី៣ នេះជាបណ្ដាញផ្លូវដ៏សំខាន់មួយទៀត របស់រាជរដ្ឋាភិបាលកម្ពុជា ក្នុងការសម្រួលបញ្ហាកកស្ទះ ពិសេសនោះបម្រើឲ្យវិស័យសេដ្ឋកិច្ចកាន់តែរីកចម្រើន។ បើតាមប្រភពព័ត៌មាន ពីក្រសួងសាធារណការ និងដឹកជញ្ជូន បានឲ្យដឹងថា ផ្លូវក្រវាត់ក្រុងទី៣ នេះបានចុះកិច្ចសន្យាសាងសង់ជាមួយក្រុមហ៊ុនសំណង់សៀងហៃចិន ដែលគ្រោងនឹងចំណាយថវិកាប្រមាណ ២៥៩លានដុល្លារអាមេរិក ដែលជាការកម្ចីសម្បទានពីប្រទេសចិន។
ផ្លូវក្រវាត់ក្រុងទី៣នេះ ប្រវែង ៥២,៩៨ គីឡូម៉ែត្រ ចាប់ពីសង្កាត់ចោមចៅទី៣ ខណ្ឌពោធិសែនជ័យ រាជធានីភ្នំពេញ រហូតដល់ឃុំដីឥដ្ឋ ស្រុកកៀនស្វាយ ខេត្តកណ្ដាល៕
