- 2019-01-14 04:06:26
- ព័ត៌មាន
បាងកក និងខេត្តជាច្រើនបន្តចុះអ័ព្ទ និងខ្យល់ពុលងងឹតស្លុប មើលផ្លូវមិនចង់ឃើញ (វីដេអូ)
- 2019-01-14 04:06:26
- ចំនួនមតិ 0 | ចំនួនចែករំលែក 0
បាងកក និងខេត្តជាច្រើនបន្តចុះអ័ព្ទ និងខ្យល់ពុលងងឹតស្លុប មើលផ្លូវមិនចង់ឃើញ (វីដេអូ)
ចន្លោះមិនឃើញ
នាយកដ្ឋានគ្រប់គ្រងការបំពុល Pollution Control Department ហៅកាត់ថា PCD របស់ប្រទេសថៃ បានឲ្យដឹងថា គុណភាពខ្យល់មិនល្អដែលបណ្ដាលមកពីភាគល្អិតនៃធូលីពុល នៅក្នុងទីក្រុងបាងកក និងខេត្តជុំវិញនោះ នៅតែបន្តកើតមាន នាថ្ងៃច័ន្ទ ទី១៤ ខែមករា ឆ្នាំ២០១៩ នេះ។
ផ្នែកជាច្រើននៃទីក្រុងបាងកក ជាពិសេសនៅព្រលានយន្តហោះ Suvarnabhumi Airport ត្រូវបានគ្របដណ្ដប់ដោយអ័ព្ទ កាលពីព្រឹកថ្ងៃអាទិត្យ ដូចដែលរូបថតជាច្រើនបានបង្ហោះនៅលើបណ្ដាញសង្គម។ កាលពីវេលាម៉ោង ១០ និង ៣០នាទីព្រឹកថ្ងៃអាទិត្យ ទី១៣ ខែមករា ឆ្នាំ២០១៩ ទំព័រ Greenpeace Thailand បង្ហោះសារថា ទីក្រុងបាងកក បានជាប់ចំណាត់ថ្នាក់លេខ៩ ជាទីក្រុងមានគុណភាពខ្យល់អាក្រក់បំផុតនៅលើផែនដី ចាត់ចំណាត់ថ្នាក់ដោយគេហទំព័រ Airvisual។
នាយកដ្ឋាន PCD ខាងលើបានវាស់បរិមាណធូលីពុល PM2.5 ដែលមានគ្រោះថ្នាក់ក្នុងខ្យល់អាកាស នៅក្នុងផ្នែកជាច្រើននៃទីក្រុងបាងកក និងខេត្ត Samut Prakan, Nonthaburi, Pathum Thani រួមទាំង Samut Sakhon ផងដែរ។
ខាងក្រោមនេះគឺជាវីដេអូថតចេញពីរថយន្តកំពុងបើកបរតាមដងផ្លូវនៃទីក្រុងបាងកក នាថ្ងៃអាទិត្យ ទី១៣ ខែមករា ឆ្នាំ២០១៩៖
យ៉ាងណាមិញ នាយកដ្ឋាន PCD ដដែលបាននិយាយថា ខ្លួនកំពុងធ្វើការជាមួយសាលារាជធានី និងខេត្ត ដើម្បីអនុវត្តវិធានការសំដៅកាត់បន្ថយបំណែកធូលីពុល។ វិធានការទាំងនេះរួមមាន ការលាងសម្អាតផ្លូវថ្នល់ជារៀងរាល់ថ្ងៃ ការកម្ចាត់រថយន្តបញ្ចេញផ្សែងខ្មៅ និងការត្រួតពិនិត្យទីតាំងសំណង់ដើម្បីធានាថាពួកគេរក្សាកម្រិតទាបនៃសកម្មភាពបង្កើតធូលីពុល ជាដើម៕