- 2019-01-15 02:54:59
- ការអប់រំ
ក្រសួងនឹងចាត់វិធានការ ហាងលក់ដូរនិងហាងអាហារប្រើប្រាស់ថង់ប្លាស្ទីកច្រើនជ្រុល
- 2019-01-15 02:54:59
- ចំនួនមតិ 0 | ចំនួនចែករំលែក 0
ក្រសួងនឹងចាត់វិធានការ ហាងលក់ដូរនិងហាងអាហារប្រើប្រាស់ថង់ប្លាស្ទីកច្រើនជ្រុល
ចន្លោះមិនឃើញ
ក្រោយពីទទួលបានជោគជ័យលើការអនុវត្តិរបស់ក្រសួងបរិស្ថាន ទៅលើការហាមមិនឲ្យផ្សារទំនើបទាំងឡាយ ប្រើថង់ប្លាស្ទីកសម្រាប់ដាក់ឥវ៉ាន់ដល់អ្នកទិញមួយរយៈកន្លងមក ត្រូវបានមន្ត្រីបរិស្ថានវាយតម្លៃបានជោគជ័យ។
លោក ហេង ណារ៉េត អគ្គនាយកនៃអគ្គនាយកដ្ឋានគាំពារបរិស្ថាននៃក្រសួងបរិស្ថានបានឲ្យដឹងថ្នីៗនេះថា យើងបានជោគជ័យទៅលើការអនុវត្តន៍កាត់បន្ថយប្រើថង់ប្លាស្ទីកនៅតាមផ្សារទំនើប។ ឥឡូវនេះយើងកំពុងសិក្សាកាត់បន្ថយការប្រើថង់ប្លាស្ទីកនៅតាមហាងលក់ដូរទំនិញ ឥវ៉ាន់និងហាងម្ហូបអាហារ ដែលយើងមើលឃើញនិងវាយតម្លៃថាហាងទាំងនោះ បានប្រើប្រាស់នូវប្រភេទថង់ប្លាស្ទីកច្រើននិងមានផលប៉ះពាល់ដល់សុខភាពមនុស្ស ឬប៉ះពាល់ទៅលើដី និងទឹកខ្លាំងក្លាពេក។
លោកថាកំពុងស្រាវជ្រាវ សិក្សាតើហាងប្រភេទណាខ្លះ ដែលត្រូវចាត់ការក្នុងរឿងនេះ។ ត្រូវកំណត់ប្រភេទហាងអោយច្បាស់ពិតប្រាកដសិន ចាំចាត់ការជាក្រោយ។ក៏ប៉ុន្តែផ្សារត្រី ផ្សារបន្លែនានា យើងមិនអាចប្រើប្រាស់វិធានការណ៍ដូចខាងលើបាននោះទេ។ ទាមទារឲ្យមានការអប់រំច្រើនទៅលើការកាត់បន្ថយប្រើថង់ប្លាស់ស្ទីក។ ដូចជាអប់រំអ្នកលក់កុំឲ្យប្រើថង់ច្រើននៅពេលអ្នកទិញ ទិញវត្ថុឬរបស់របរដូចៗគ្នា ពោលគឺកុំប្រើថង់ បើមិនចាំបាច់។ អាចកាន់ឬយួរបានរបស់ទាំងនោះ។ ត្រូវយួរវាទៅ មិនបាច់ច្រកថង់ប្លាស្ទីកនោះទេ។ នេះយើងនៅតែអប់រំពួកគេឲ្យដល់កម្រិត។
បន្ថែមពីលើនេះ លោកអគ្គនាយក អះអាងថា អ្នកទីក្រុងបានប្រើថង់ប្លាស្ទីក ៤ទៅ៥ថង់ ក្នុងម្នាក់ក្នុង១ថ្ងៃ។ ចំណែកអ្មកស្រុកស្រែជនបទមិនបានប្រើច្រើនដូចអ្នកទីក្រុងទេ៕