- 2019-01-15 04:23:10
- ការអប់រំ
នេះហើយជីវិតជាបងគេ! កុមារម្នាក់នេះ តស៊ូចិញ្ចឹមប្អូន១សំបុក ពេលនេះរួចផុតទុក្ខ
- 2019-01-15 04:23:10
- ចំនួនមតិ 0 | ចំនួនចែករំលែក 0
នេះហើយជីវិតជាបងគេ! កុមារម្នាក់នេះ តស៊ូចិញ្ចឹមប្អូន១សំបុក ពេលនេះរួចផុតទុក្ខ
ចន្លោះមិនឃើញ
ពីក្មេងរើសសំរាមទទួលបន្ទុកប្អូនៗមួយសំបុកមានគ្នា ៧នាក់ និងមានជីដូនម្នាក់ កុមារា ឈ្មោះ ចាន់ណា និងគ្រួសារ ត្រូវបានអង្គការកុមារកម្ពុជា (CCF) ជួយជ្រោមជ្រែងជីវិតឲ្យប្រសើរឡើង ដោយរស់នៅផ្ទះគំរូសហគមន៍របស់អង្គការ។ ជីវិតបានផ្លាស់ប្ដូរទាំងស្រុងក្រោយឆ្នាំ ២០១៤ មកទល់បច្ចុប្បន្ន ចាន់ណា អាយុ១៤ឆ្នាំ ជាសិស្សរៀនពេញម៉ោងនៅសាលានីសិនគ្រីបអាខាដាមី។
ទោះបីជីវភាពប្រែល្អហើយក្ដី ការលំបាកគ្រប់បែបយ៉ាងបានធ្វើឲ្យកុមារានេះចងចាំមិនភ្លេច រហូតដល់និយាយប្រាប់ស្ថាបនិកអង្គការលោក Scott Neeson ថា "ខ្លួនត្រូវការការលើកទឹកចិត្ត ការទទួលស្គាល់ពីភាពក្លាហាន និងមានមនុស្ស លើកទឹកចិត្ត"។
នេះគឺជាការរៀបរាប់លើគណនីហ្វេសបុកផ្ទាល់របស់លោក Neeson អំពីការតស៊ូរបស់កុមារា ចាន់ណា៖
សំរាប់ខ្ញុំចាន់ណាគឺជាវិរៈបុរសដ៏ពិតប្រាកដម្នាក់។ គាត់មានអាយុ១៤ឆ្នាំហើយឥឡូវនេះ និងគាត់ត្រូវការរៀនសូត្របំប៉នបន្ថែមទៀត។ លោកយាយបានចូលជាសមាជិកកម្មវិធីមនុស្សចាស់របស់អង្គការស៊ីស៊ីអេហ្វហើយ គាត់មិនចាំបាច់ទៅធ្វើការងារទៀតទេ។ ចំនែកឯក្មេងៗគឺបានចូលរៀនជាមួយយើងដែរ។
ប្រាថ្នាតែមួយគត់របស់ខ្ញុំឥឡូវនេះគឺថាចាន់ណាអាចរីករាយជាមួយជីវិតរបស់គាត់អោយបានច្រើនជាងនេះ។ គាត់ហាក់បីដូចជានៅតែស្ពាយការចងចាំពីបញ្ហាដែលគាត់គិតថាវានៅតែមានក្នុងចិត្តគាត់ជារៀងរហូត។ គាត់ត្រូវការការលើកទឹកចិត្ត ការទទួលស្គាល់ពីភាពក្លាហានរបស់គាត់ និងមានមនុស្ស លើកទឹកចិត្តគាត់។
នោះគឺជាមូលហេតុមួយដែលខ្ញុំកំពុងចង់ប្រាប់អ្នកថា ប្រសិនបើអ្នកចង់ផ្ញើសារលើកទឹកចិត្តចាន់ណាជាភាសាខ្មែរឬក៏ភាសាអង់គ្លេសក៏ដោយ យើង នឹងបកប្រែហើយនិងបង្កើតជាសៀវភៅកំរងអនុស្សាវរីយ៍មួយក្បាលសំរាប់គាត់ ដូច្នេះចាន់ណាឈប់មានមន្ទិលសង្ស័យពីភាពជាវិរៈបុរសរបស់គាត់ ហើយនឹងឈប់គិតថាគ្មានមនុស្សខ្វល់ខ្វាយពីគាត់ តទៅទៀតឡើយ។ អ្នកទាំងអស់គ្នាអាចចែករំលែកផូសមួយនេះទៅកាន់អ្នកផ្សេងៗទៀត ដែល ចង់ផ្ញើសារអោយចាន់ណាផងដែរ (សូមផ្ញើសារនៅទំព័រមួយនេះ)។
សូមអរគុណអ្នកទាំងអស់គ្នា ខ្ញុំមានអារម្មណ៍ថាមានសំណាងខ្លាំងណាស់ដែលមានមនុស្សជម្រុញទឹកចិត្តជាច្រើនអ្នកបានគាំទ្រខ្ញុំ។ អ្វីដែលកាន់តែគួរអោយរំភើបថែមទៀតនោះ ខ្ញុំសូមបង្ហាញជូននូវរូបថតពីរសន្លឹកចុងក្រោយនៅទីនេះគឺ ក) រូបថតនៅពេលដែលខ្ញុំជួបក្រុម គ្រួសារមួយនេះនៅក្នុងឆ្នាំ២០១៤ និង ខ)គឺនៅពេលយប់ដែលពួកគេបានផ្លាស់ប្តូរមករស់នៅផ្ទះថ្មីរបស់ពួកគេ" ។