- 2019-01-16 02:54:54
- សុខភាព
ចប់បណ្ដោយ! រកឃើញសារធាតុគីមីគ្រោះថ្នាក់បំផុត ដាក់ក្នុងបង្អែមលត នៅផ្សារអូរឬស្សី
- 2019-01-16 02:54:54
- ចំនួនមតិ 0 | ចំនួនចែករំលែក 0
ចប់បណ្ដោយ! រកឃើញសារធាតុគីមីគ្រោះថ្នាក់បំផុត ដាក់ក្នុងបង្អែមលត នៅផ្សារអូរឬស្សី
ចន្លោះមិនឃើញ
អគ្គនាយកដ្ឋានកាំកុងត្រូល រកឃើញសារធាតុគីមីហាមឃាត់នៅក្នុងបង្អែម, ភេសជ្ជៈខូចគុណភាព និងស្ថានីយប្រេងឥន្ធនៈលួចបន្លំបរិមាណ និងគុណភាពប្រេង។ ក្នុងនោះ មន្ត្រីសាខាកាំកុងត្រូលផែស្ងួតចុងទីភ្នំពេញ បានចុះត្រួតពិនិត្យគុណភាព និងសុវត្ថិភាពផលិតផលទំនិញម្ហូបអាហារ នៅផ្សារអូរឬស្សី ហើយបានរកឃើញសារធាតុគីមីហាមឃាត់បូរ៉ាក់ (Borax) នៅក្នុងបង្អែមលត ចំនួន ១១,៥គីឡូក្រាម។ នេះបើតាមការចុះផ្សាយនៅទំព័រហ្វេសប៊ុករបស់ក្រសួងពាណិជ្ជកម្ម។
កាលពីថ្ងៃ ទី១៥ ខែមករា ឆ្នាំ២០១៩ មន្រ្តីអគ្គនាយកដ្ឋានកាំកុងត្រូលទូទាំងប្រទេស បានបន្តប្រតិបត្តិការ ចុះឃ្លាំពិនិត្យទីផ្សារ, ត្រួតពិនិត្យតាមបណ្តាស្ថានីយ/ដេប៉ូប្រេងឥន្ធនៈ និងចុះប្រចាំការតាមបណ្ដាទីផ្សារនានា ដើម្បីស្រាវជ្រាវ និងទប់ស្កាត់ទំនិញខូចគុណភាព និងស្វែងរកភាពមិនប្រក្រតី នៅក្នុងផលិតផលម្ហូបអាហារ ក្នុងគោលបំណងការពារអ្នកប្រើប្រាស់ ដោយទទួលបានលទ្ធផលដូចខាងក្រោម៖
១. មន្រ្តីសាខាកាំកុងត្រូលផែស្ងួតចុងទីភ្នំពេញ និងសាខាកាំកុងត្រូលខេត្តពោធិ៍សាត់ បានចុះត្រួតពិនិត្យគុណភាព និងសុវត្ថិភាពផលិតផលទំនិញម្ហូបអាហារ នៅផ្សារអូរឬស្សី និងផ្សារថ្មីពោធិ៍សាត់ ហើយបានរកឃើញសារធាតុគីមីហាមឃាត់បូរ៉ាក់ (Borax) នៅក្នុងបង្អែមលត ចំនួន ១១,៥គីឡូក្រាម។
២. មន្រ្តីសាខាកាំកុងត្រូលខេត្តមណ្ឌលគិរី និងសាខាកាំកុងត្រូលខេត្តស្វាយរៀង បានចុះត្រួតពិនិត្យគុណភាព និងសុវត្ថិភាពផលិតផលទំនិញម្ហូបអាហារ នៅតាមទីផ្សារគោលដៅក្នុងខេត្តរបស់ខ្លួន ហើយបានរកឃើញ ភេសជ្ជៈខូចគុណភាព ចំនួន ៣៦ដប។
៣. មន្រ្តីសាខាកាំកុងត្រូលខេត្តពោធិ៍សាត់ បានចុះត្រួតពិនិត្យស្ថានីយ និងដេប៉ូចែកចាយប្រេងចំនួន ៦ទីតាំង ហើយបានរកឃើញស្ថានីយសាវីម៉ិច ត្រពាំងជង ស្ថិតនៅផ្លូវជាតិលេខ៥ ឃុំត្រពាំងជង ស្រុកបាកាន បានលួចបន្លំគុណភាព និងបរិមាណប្រេង។ មន្រ្តីជំនាញបានឱ្យម្ចាស់ស្ថានីយ ធ្វើកិច្ចសន្យាកែតម្រូវកំហុសខាងលើ និងបញ្ឈប់សកម្មភាពក្លែងបន្លំនេះទៀត។ ករណីមិនព្រមកែ មន្ត្រីជំនាញនឹងកសាងសំណុំរឿងបញ្ជូនទៅតុលាការ។
សម្រាប់ផលិតផលផ្ទុកសារធាតុគីមីហាមឃាត់ និងខូចគុណភាព ដែលបានដកហូតខាងលើ ក៏ត្រូវបានមន្ត្រីជំនាញសាខាកាំកុងត្រូល ធ្វើការដុតកំទេចចោលភ្លាមៗផងដែរ៕
