សូមត្រៀមធុងទឹកផង! ដាច់ទឹក៤ម៉ោង នឹងចាប់ផ្តើមស្អែកនេះ ក្នុងតំបន់មួយ នៅភ្នំពេញ

2019-01-17 05:30:00
ព័ត៌មាន

2019-01-17 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាករទឹកស្វ័យក្រុងភ្នំពេញ បានដំណឹងប្រជាពលរដ្ឋឲ្យក្នុងតំបន់មួយចំនួន នៃសង្កាត់និរោធ ខណ្ឌច្បារអំពៅ រាជធានីភ្នំពេញ អំពីការផ្អាកផ្គត់ផ្គង់ទឹកមួយរយៈខ្លី ដែលនឹងចាប់ផ្ដើមនៅយប់ស្អែកនេះហើយ។ នេះបើតាមព័ត៌មានដែលបានចុះផ្សាយលើទំព័រហ្វេសប៊ុក សាលាខណ្ឌច្បារអំពៅ។

រូបតំណាង (ប្រភព ហ្វេសប៊ុក រដ្ឋាករទឹកស្វ័យក្រុងភ្នំពេញ)

ទំព័រដដែលក៏បានភ្ជាប់ជាមួយសេចក្ដីប្រកាសព័ត៌មានរបស់រដ្ឋាករទឹកស្វ័យក្រុងភ្នំពេញ ដែលបានជូនដំណឹងដល់ប្រជាពលរដ្ឋមួយចំនួនឲ្យបានជ្រាប និងត្រៀមលក្ខណៈរកទឹកបម្រុងផងដែរ។ ដូច្នេះប្រជាពលរដ្ឋនៃតំបន់ពាក់ព័ន្ធ សូមជ្រាបជាព័ត៌មាន ពីការផ្អាកផ្គត់ផ្គង់ទឹករយៈពេលខ្លី នឹងចាប់ផ្ដើមទៅតាមព័ត៌មានលម្អិតដូចខាងក្រោម ៖

១. កាលបរិច្ឆេទ ៖ នៅថ្ងៃទី១៨ ខែមករា ឆ្នាំ២០១៩

២. មូលហេតុ ៖ ដោយសាររដ្ឋាករទឹកស្វយ័តក្រុងភ្នំពេញ គ្រោងកាត់ភ្ជាប់បំពង់មេនាំទឹកថ្មី ១១០មម នៅលើផ្លូវជាតិលេខ ១

៣. ទីតាំងដែលត្រូវដាច់ទឹក ៤ម៉ោង ៖ ចាប់ពីផ្លូវលេខ ៣៥១ ដល់ផ្លូវលេខ ៧១១ សង្កាត់និរោធ ខណ្ឌច្បារអំពៅ រាជធានីភ្នំពេញ

៤. ពេលវេលា ៖ នៅម៉ោង ២០:០០ នាទីយប់ ដល់ ២៤:០០នាទីយប់។

សូមបញ្ជាក់ថា បន្ទាប់ពីផ្អាកការផ្គត់ផ្គង់ទឹក គុណភាពទឹកក៏នឹងអាចមានភាពល្អក់កករ រយៈពេលខ្លី ក្រោយការកាត់ផ្ដាច់បំពង់ទឹកថ្មីរួច។ នេះបើតាមសេចក្ដីប្រកាសព័ត៌មាន របស់រដ្ឋាករទឹកស្វ័យក្រុងភ្នំពេញ។

អត្ថបទ៖ ពៅ រក្សា