- 2019-01-17 10:45:39
- ព័ត៌មាន
ដំណឹងបន្ទាន់! បើបងប្អូនឃើញការចល័តអាវុធ រថពាសដែកតាមផ្លូវទាំងនេះ សូមកុំភ្ញាក់ផ្អើល
- 2019-01-17 10:45:39
- ចំនួនមតិ 0 | ចំនួនចែករំលែក 0
ដំណឹងបន្ទាន់! បើបងប្អូនឃើញការចល័តអាវុធ រថពាសដែកតាមផ្លូវទាំងនេះ សូមកុំភ្ញាក់ផ្អើល
ចន្លោះមិនឃើញ
តាមសេចក្ដីជូនដំណឹងរបស់រដ្ឋបាលរាជធានីភ្នំពេញ បានឲ្យដឹងថា នៅថ្ងៃទី២៤ ខែមករា ឆ្នាំ២០១៩ បញ្ជាការដ្ឋានកងទ័ពជើងគោក នឹងប្រារព្ធពិធីគម្រប់ខួប២០ឆ្នាំ នៃការបង្កើតបញ្ជាការដ្ឋានកងទ័ពជើងគោក ដែលស្ថិតនៅក្នុងខណ្ឌពោធិ៍សែនជ័យ រាជធានីភ្នំពេញ។
ដើម្បីចូលរួមអបអរសាទរនៅក្នុងពិធីគម្រប់ខួបនេះ នៅថ្ងៃទី១៩ ខែមករា ឆ្នាំ ២០១៩ បញ្ជាការដ្ឋានអង្គរក្ស ត្រូវចល័តអាវុធ និងរថពាសដែកពីក្រុងតាខ្មៅ ខេត្តកណ្ដាល ទៅកន្លែងប្រារព្ធពិធី ដោយធ្វើដំណើរតាមផ្លូវព្រែកហូរ មហាវិថីសម្ដេចហ៊ុន សែន (ផ្លូវ៦០ម៉ែត្រ) បន្តកាត់ផ្លូវ២១៧ (ផ្លូវរោងចក្រឫស្សីកែវ) ផ្លូវព្រៃស ផ្លូវជាតិលេខ៣ តាមផ្លូវប្រទះប្រឡាង ឆ្លងផ្លូវដែកបត់ស្ដាំ ឆ្លងផ្លូវដែកបត់ស្ដាំតាមផ្លូវបេតុង តាមផ្លូវតំបន់សេដ្ឋកិច្ចពិសេស ដល់ផ្លូវជាតិលេខ៤ បត់ស្ដាំឆ្ពោះទៅបញ្ជាការដ្ឋានកងទ័ពជើងគោកតែម្ដង។
ពេលចប់ពិធីបញ្ជាការដ្ឋានអង្គរក្សនឹងចល័តអាវុធ និងរថពាសដែក ពីទីតាំងប្រារព្ធពិធីតាមតម្រាយផ្លូវដដែល ដើម្បីចូលទៅកាន់បញ្ជាការដ្ឋានអង្គរក្សវិញ។
ដូច្នេះសូមបងប្អូនប្រជាពលរដ្ឋ ដែលរស់នៅតាមបណ្ដោយផ្លូវខាងលើ សូមកុំមានការភ្ញាក់ផ្អើល និងភ័យខ្លាចចំពោះការចល័តអាវុធ និងរថពាសដែកនេះ៕
