- 2019-01-18 02:23:00
- ព័ត៌មាន
គួរឲ្យរន្ធត់! បំផ្ទុះគ្រាប់បែកក្នុងរថយន្ដ សម្លាប់មនុស្សយ៉ាងតិច១០នាក់នៅរដ្ឋធានីកូឡុំប៊ី (មានវីដេអូ)
- 2019-01-18 02:23:00
- ចំនួនមតិ 0 | ចំនួនចែករំលែក 0
គួរឲ្យរន្ធត់! បំផ្ទុះគ្រាប់បែកក្នុងរថយន្ដ សម្លាប់មនុស្សយ៉ាងតិច១០នាក់នៅរដ្ឋធានីកូឡុំប៊ី (មានវីដេអូ)
ចន្លោះមិនឃើញ
ការបំផ្ទុះគ្រាប់បែកក្នុងរថយន្ដមួយ បានសម្លាប់មនុស្សយ៉ាងតិច ១០នាក់និង ៥៤នាក់ផ្សេងទៀតរងរបួសនៅរដ្ឋធានី Bogota ប្រទេសកូឡុំប៊ី។
យោងតាមមន្ត្រីឲ្យដឹងថា ហេតុការណ៍នេះកើតឡើងនៅខាងក្រៅសាលាប៉ូលិសមួយនៅភាគខាងត្បូងទីក្រុងកាលពីថ្ងៃព្រហស្បតិ៍ទី ១៧ខែមករានេះវេលាម៉ោង ៩:៣០នាទីម៉ោងក្នុងតំបន់។ មុនពេលកើតហេតុ គេឃើញរថយន្ដ Nissan Patrol មួយគ្រឿងពណ៌ប្រផេះ បានបើកចូលទៅក្នុងបរិវេណសាលា General Santander ដែលកំពុងប្រារព្ធពិធីដំឡើងតំណែងសម្រាប់នាយទាហាន។ នៅពេលដែលឡានត្រូវបានបញ្ឈប់ដោយអ្នកការពារដើម្បីត្រួតពិនិត្យ បុរសជាអ្នកបើកបរបែរជាជាន់ហ្គ៊ែរបន្ថែមទៅបុកជញ្ជាំងបណ្ដាលឲ្យផ្ទុះតែម្ដង។
ការផ្ទុះនេះមានកម្លាំងខ្លាំងក្លាដែលបណ្ដាលឲ្យកញ្ចក់អគារ និងផ្ទះនៅក្បែរៗនោះបែកទៀតផង។ យោងតាមប៉ូលិសឈ្មោះ Nestor Humberto Martinez ឲ្យដឹងថា រថយន្ដនេះមានផ្ទុករំសេវផ្ទុះកម្លាំងខ្លាំងទម្ងន់ ៨០គីឡូក្រាម ដែលធ្លាប់ត្រូវបានប្រើប្រាស់កាលពីមុនដោយទាហានកូឡុំប៊ី។ ចំណែកឯជនល្មើសដែលបានបើកឡានបំផ្ទុះនោះ ត្រូវកំណត់អត្តសញ្ញាណថាជាបុរសវ័យ ៥៧ឆ្នាំម្នាក់។
ក្រោយកើតហេតុ ប្រធានាធិបតីកូឡុំប៊ី Ivan Duque បានហៅទង្វើនេះថាជាភេរវកម្មដ៏ឆ្កួតលីលាបំផុត និងប្រកាសតាមចាប់ជនដែលនៅពីក្រោយរឿងនេះមកកាត់ទោសតាមច្បាប់ឲ្យបាន។ ជាមួយគ្នា អាជ្ញាធរនិងមេដឹកនាំកំពូលៗ បានថ្កោលទោសចំពោះទង្វើភេរកម្មនេះ ខណៈដែលប្រជាជនសម្ដែងការព្រួយបារម្ភថាវាអាចនឹងកើតឡើងម្ដងទៀត៕
សូមទស្សនាវីដេអូខាងក្រោម ៖
#Urgente Primeras imágenes de carro bomba en Escuela de Cadetes General Santander en Bogotá
— RCN Radio (@rcnradio) January 17, 2019
Más imágenes en: https://t.co/r1rrwS6U5B pic.twitter.com/Ls4FdonOC1
