- 2019-01-21 02:01:59
- ព័ត៌មាន
បុរសមានវ័យចំណាស់ជាងគេក្នុងពិភពលោក បានស្លាប់ហើយក្នុងអាយុ ១១៣ឆ្នាំ
- 2019-01-21 02:01:59
- ចំនួនមតិ 0 | ចំនួនចែករំលែក 0
បុរសមានវ័យចំណាស់ជាងគេក្នុងពិភពលោក បានស្លាប់ហើយក្នុងអាយុ ១១៣ឆ្នាំ
ចន្លោះមិនឃើញ
បុរសជនជាតិជប៉ុនមានវ័យ ១១៣ឆ្នាំឈ្មោះ Masazo Nonaka ដែលត្រូវបានទទួលស្គាល់ដោយ Guinness កាលពីខែមេសាឆ្នាំ ២០១៨ថាជាបុរសមានវ័យចំណាស់ជាងគេនោះ ឥឡូវនេះបានស្លាប់ហើយកាលពីថ្ងៃអាទិត្យទី ២០ខែមករា។
យោងតាមសារព័ត៌មានជប៉ុន NHK ឲ្យដឹងថាលោកតា Nonaka ជាប្រជាជនរស់នៅកោះនៃភាគខាងជើង Hokkaido និងបានកើតនៅថ្ងៃទី ២៥ខែកក្កដាឆ្នាំ ១៩០៥។ ក្រុមគ្រួសាររបស់លោកតា បានរកឃើញថាលោកមិនមានដង្ហើមនោះទេកាលពីព្រឹកថ្ងៃអាទិត្យ ហើយគ្រូពេទ្យបញ្ជាក់ថាលោកតាបាត់បង់ជីវិតទៅហើយ។ ប៉ុន្តែក្រុមគ្រួសារនិយាយថា លោកតាមានសុខភាពជាធម្មតានោះទេកាលពីថ្ងៃសៅរ៍។
គួរឲ្យដឹងថា កាលពីខែមេសាឆ្នាំ២០១៨ លោកតា Nonaka ត្រូវបាន Guinnes បញ្ចូលឈ្មោះជាបុរសមានវ័យចំណាស់ជាងគេក្នុងអាយុ ១១២ឆ្នាំ និង ២៥៩ថ្ងៃ។ លោកតាបានចំណាយពេលចូលនិវត្តរបស់ខ្លួនអានទស្សនាវដ្ដី, ញ៉ាំនំនិងបង្អែម និងមើលទូរទស្សន៍។ លើសពីនេះ លោកតាធ្លាប់បង្ហើបថាអាថ៌កំបាំងនៃអាយុវែងរបស់លោក គឺដោយសារការងូតទឹកក្ដៅ និងញ៉ាំបង្អែម៕
