- 2019-01-22 08:09:51
- សេដ្ឋកិច្ច
មើលរូបនេះហើយ ដឹងទឹកដៃចិនខិតខំសាងសង់ស្ពានឆ្លងទន្លេឲ្យកម្ពុជាឲ្យមាំប៉ុណ្ណា
- 2019-01-22 08:09:51
- ចំនួនមតិ 0 | ចំនួនចែករំលែក 0
មើលរូបនេះហើយ ដឹងទឹកដៃចិនខិតខំសាងសង់ស្ពានឆ្លងទន្លេឲ្យកម្ពុជាឲ្យមាំប៉ុណ្ណា
ចន្លោះមិនឃើញ
ស្ពានមិត្តភាពកម្ពុជា-ចិន ពីចំណុចស្ទឹងត្រង់ឆ្ពោះទៅស្រុកក្រូចឆ្មា កំពុងលេចរូបរាងជាបណ្ដើរៗ ដោយលាតសន្ធឹងកាត់ទន្លេមេគង្គតភ្ជាប់រវាងខេត្តកំពង់ចាម និងខេត្តត្បូងឃ្មុំ នេះបើតាមក្រសួងសាធារណការបញ្ជាក់ពេលថ្មីៗ។ គម្រោងស្ពាននេះសាងសង់ឡើងដោយក្រុមហ៊ុនសំណង់សៀងហៃគ្រុប (Shanghai Construction Group) និងត្រួតពិនិត្យបច្ចេកទេស ដោយក្រុមហ៊ុនទីប្រឹក្សាបច្ចេកទេស ក្វាងចូវវ៉ានអានពីប្រទេសចិន។
ស្ពាននេះត្រូវសាងសង់ប្រវែងសរុប ១ ១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក ដែលចំណាយថវិកាជាង ៥៦ លានដុល្លារអាមេរិក ជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសំអាតយុទ្ធភ័ណ្ឌមិនទាន់ផ្ទុះ។
គួរបន្ថែមថា ស្ពាននេះបានបើកការដ្ឋានសាងសង់កាលពីខែកុម្ភះ ឆ្នាំ២០១៨ ក្រោមអធិបតីសម្ដេច ហ៊ុន សែន ស្ថិតនៅពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គ ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ ដែលគម្រោងនឹងគ្រោងបញ្ចប់នៅដើមឆ្នាំ២០២១៕
សូមមើលរូបភាពការដ្ឋានកំពុងសាងសង់ ដែលចុះពិនិត្យដោយមន្ត្រីក្រសួងសាធារណការ និងដឹកជញ្ជូន៖