- 2019-01-23 02:43:34
- ព័ត៌មាន
កន្លែងលក់ទស្សនាវដ្តីសិចនៅជប៉ុន ជាង៣ម៉ឺនហាងនឹងឈប់លក់ ក្រោមហេតុផលមួយនេះ
- 2019-01-23 02:43:34
- ចំនួនមតិ 0 | ចំនួនចែករំលែក 0
កន្លែងលក់ទស្សនាវដ្តីសិចនៅជប៉ុន ជាង៣ម៉ឺនហាងនឹងឈប់លក់ ក្រោមហេតុផលមួយនេះ
ចន្លោះមិនឃើញ
ក្រុមហ៊ុនហាងលក់ទំនិញដ៏ធំទាំងពីររបស់ប្រទេសជប៉ុន បានឲ្យដឹងថា ពួកគេនឹងឈប់លក់ទស្សនាវដ្ដីសិចនៅក្នុងហាង មុនពេលព្រឹត្តិការណ៍កីឡាធំៗចំនួនពីរ គឺ កីឡាបាល់ឱបពិភពលោក «2019 Rugby World Cup» ដែលត្រូវធ្វើឡើងនៅខែកញ្ញា ឆ្នាំ២០១៩ និង កីឡាអូឡាំពិក នៅឆ្នាំ២០២០ ក្នុងទីក្រុងតូក្យូ។
ក្រុមហ៊ុនហាងលក់ទំនិញ 7-Eleven ដែលមានហាងជាង ២០ ០០០កន្លែងនៅក្នុងប្រទេសជប៉ុន បានអះអាងថា នឹងបង្កើតបរិយាកាសលក់ទំនិញសមរម្យមួយសម្រាប់អតិថិជនទាំងអស់របស់ខ្លួន។ ជាមួយគ្នានេះ គូប្រជែងដ៏ធំរបស់វា គឺក្រុមហ៊ុន Lawson Inc ដែលមានហាងជាង ១៤ ០០០កន្លែង ក៏ប្រកាសស្រដៀងគ្នានេះដែរ។
គួរបញ្ជាក់ថា ចំនួនភ្ញៀវទេសចរជាច្រើនបានកំណត់ទៅលេងប្រទេសជប៉ុន ដើម្បីព្រឹត្តិការណ៍កីឡាដ៏ធំទាំងពីរនោះ។ ហាងលក់ទំនិញបើក ២៤ម៉ោងដ៏ល្បីទាំងពីរខាងលើ មានលក់របស់របរប្រើប្រាស់ និងបរិភោគស្ទើរគ្រប់យ៉ាង ហើយទស្សនាវដ្ដីសិចក៏មានក្នុងនោះផងដែរ៕
