- 2019-01-23 07:29:47
- ព័ត៌មាន
ថៃ បន្តប្រើ Drone កម្ចាត់អ័ព្ទ និងធូលីពុលចេញពីទីក្រុង
- 2019-01-23 07:29:47
- ចំនួនមតិ 0 | ចំនួនចែករំលែក 0
ថៃ បន្តប្រើ Drone កម្ចាត់អ័ព្ទ និងធូលីពុលចេញពីទីក្រុង
ចន្លោះមិនឃើញ
អាជ្ញាធរនៃប្រទេសថៃ កំពុងប្រើប្រាស់យន្តហោះគ្មានមនុស្សបើក (Drone) ដើម្បីទប់ស្កាត់អ័ព្ទ និងធូលីពុល កម្រិត PM2.5 ដែលបានគ្របដណ្ដប់លើទីក្រុងបាងកក និងខេត្តជុំវិញនោះ អស់រយៈពេលជាងពីរសប្ដាហ៍មកហើយ។
យោងតាមនាយកវិទ្យាស្ថានបច្ចេកវិទ្យាការពារជាតិ (DTI) ដែលកំពុងធ្វើការជាមួយស្ថាប័នរដ្ឋ និងទីភ្នាក់ងារសាធារណៈផ្សេងទៀត ដើម្បីប្រយុទ្ធប្រឆាំងនឹងការបំពុលនេះ បានឲ្យដឹងថា Drone ចំនួន ១២គ្រឿងដែលផ្ដល់ដោយស្ថាប័នរដ្ឋ និងឯកជន នឹងត្រូវបានប្រើសាកល្បងក្នុងបេសកកម្មនេះ។
យន្តហោះគ្មានមនុស្សបើក ចំនួន៦គ្រឿងម្ដង ត្រូវបានគេដាក់ពង្រាយកាលពីថ្ងៃអង្គារ ដើម្បីបាញ់ទឹកពីលើឧទ្យាន Vachirabenjatas នៅក្នុងសង្កាត់ Chatuchak ចំពោះការសាកល្បងនោះ។ ពួកវាបាញ់ទឹកនៅកម្ពស់ ២៥ម៉ែត្រពីដី រយៈពេលពី ៣០-៤០នាទី។ ជាលទ្ធផល វាអាចកាត់បន្ថយធូលីដល់ទៅ ១០ មីក្រូក្រាមក្នុងមួយម៉ែត្រគូប។
គួរបញ្ជាក់ថា ប្រសិនបើលទ្ធផលល្អ នៅសប្ដាហ៍នេះយន្តហោះគ្មានមនុស្សបើកនឹងត្រូវដាក់ពង្រាយ នៅលើឧទ្យាន Vachirabenjatas និង Chatuchak ព្រមទាំងតំបន់ជុំវិញមន្ទីរពេទ្យ Phramongkutklao និង Veterans General ផងដែរ។ ទន្ទឹមនឹងនេះ លោកនាយករដ្ឋមន្ត្រី Prayut Chan-o-cha បានប្រកាសថា ការសាកល្បងខាងលើ គឺទទួលបានជោគជ័យ៕
