- 2019-01-25 03:00:53
- ព័ត៌មាន
ជប៉ុន គ្រោងកែប្រែផ្សារត្រីឲ្យទៅជាមជ្ឈមណ្ឌលសន្និសីទលើផ្ទៃដីជាង ២០ហិកតា
- 2019-01-25 03:00:53
- ចំនួនមតិ 0 | ចំនួនចែករំលែក 0
ជប៉ុន គ្រោងកែប្រែផ្សារត្រីឲ្យទៅជាមជ្ឈមណ្ឌលសន្និសីទលើផ្ទៃដីជាង ២០ហិកតា
ចន្លោះមិនឃើញ
ក្រោយបើកលក់ត្រី និងគ្រឿងសមុទ្រអស់រយៈពេលជាង ៨០ឆ្នាំ ផ្សារត្រីដ៏ល្បីឈ្មោះរបស់ជប៉ុន Tsukiji ត្រូវបានបិទទ្វារ ដើម្បីផ្លាស់ប្ដូរទីតាំង ហើយឥឡូវនេះអាជ្ញាធរមានគម្រោងប្រែក្លាយទីតាំងចាស់នេះទៅជាមជ្ឈមណ្ឌលសន្និសីទ។
រដ្ឋាភិបាលទីក្រុងតូក្យូ បានបង្ហាញគម្រោងកាលពីថ្ងៃពុធសប្ដាហ៍នេះថានឹងបែងចែកទីតាំងដែលមានទំហំ ២៣ហិកតាសម្រាប់សន្និសីទអន្ដរជាតិ, ការតាំងពិពណ៌ ក៏ដូចជាសាងសង់សណ្ឋាគារ និងភោជនីយដ្ឋានផងដែរ។ លើសពីនេះទៀត ទីតាំងផ្សារត្រីចាស់នេះ ក៏នឹងត្រូវប្រើជាមណ្ឌលកណ្ដាលនៃមធ្យោបាយធ្វើដំណើរសម្រាប់ព្រឹត្តិការណ៍អូឡាំពិចឆ្នាំ ២០២០ក្នុងទីក្រុងតូក្យូ។ យ៉ាងណាមិញ គម្រោងនេះនឹងត្រូវសម្រេចជាលើកចុងក្រោយនៅខែមិនា ក្រោយប្រមូលមតិពីពលរដ្ឋក្នុងតំបន់។
គួរឲ្យដឹងថា ផ្សារត្រី Tsukiji បានសាងសង់ឡើងដំបូង នៅក្នុងឆ្នាំ១៩៣៥ ដោយមានទីតាំងស្ថិតនៅចន្លោះទន្លេ Ginza និង Sumida ហើយត្រូវបានបង្ខំឲ្យផ្លាស់ប្ដូរទីតាំង បន្ទាប់ពីរដ្ឋាភិបាលជប៉ុនបានសម្រេចចិត្តផ្លាស់ទីវា ទៅកាន់តំបន់ Toyosu ក្នុងទីក្រុងតូក្យូ ដែលមានចម្ងាយប្រហែល ៣,៥គីឡូម៉ែត្រពីកន្លែងចាស់៕
ចុចអាន ៖