- 2019-01-26 02:50:00
- សុខភាព
មិនអាចជាដាច់ អ្នកកើតជំងឺ១ប្រភេទនេះ ដាច់ខាតកុំបរិភោគសណ្តែក បើមិនចង់ពិបាកខ្លួន
- 2019-01-26 02:50:00
- ចំនួនមតិ 0 | ចំនួនចែករំលែក 0
មិនអាចជាដាច់ អ្នកកើតជំងឺ១ប្រភេទនេះ ដាច់ខាតកុំបរិភោគសណ្តែក បើមិនចង់ពិបាកខ្លួន
ចន្លោះមិនឃើញ
កង្វះអង់ស៊ីម G6PD ជាជំងឺបន្តពូជ ពីឪពុកម្ដាយមួយ ដែលសំបូរនៅអាស៊ីអាគ្នេយ៍យើង។ ការដឹងជំងឺនេះមុនដើម្បីការពារជាវិធីល្អបំផុត។ ទោះបីវាមិនមែនជាជំងឺធ្ងន់ធ្ងរ តែឪពុកម្ដាយគួរស្វែងយល់ និងការពារកូនៗពីផលវិបាកដែលអាចកើតមានឡើង។ នេះបើតាមប្រភពពីទំព័រហ្វេសប៊ុក បន្ទប់ពិគ្រោះជំងឺកុមារ វត្តអង្គតាមិញ។
តាមរយៈអត្ថបទសុខភាព ក្នុងទំព័រខាងលើបញ្ជាក់ថា អង់ស៊ីម G6PD នេះ មាននៅលើគ្រាប់ឈាមក្រហម ដែលការពារមិនអោយគ្រាប់ឈាមងាយបែក ដោយប្រការផ្សេងៗ ដូចជា ការប៉ះទង្គិច ឬសារជាតិអ្វីមួយ។ វាធ្វើអោយគ្រាប់ឈាមទន់អាចបត់បែនបានស្រួល។ តែបើខ្វះវា និងងាយបែកគ្រាប់ឈាមទៅជាស្លេកស្លាំង អស់កម្លាំង ល្ហិតល្ហៃ ហត់ នោមខ្មៅ ជាដើម។
គេអាចធ្វើការតាមដានដោយជួសកែងជើងបន្ទាប់ពីកូនកើតរួច។ គេសង្កេតឃើញមាននៅកន្លែងសម្ភពមួយចំនួនក្នុងប្រទេសយើង។ ចំពោះកុមារខ្លះមិនបានស្វែងរក វាក៏មិនមានរោគសញ្ញាបង្ហាញដែរ។
ឯកុមារខ្លះទៀត ចេញជារោគសញ្ញាលឿងយូរថ្ងៃបន្ទាប់ពីកើត (លើសពី ១០ថ្ងៃ) ពេលខ្លះទៀតស្លេកស្លាំងរហូតដល់ថ្នាក់បញ្ចូលឈាម។
ចំពោះមនុស្សធំដែលមានជំងឺនេះ ពេលដែលមិនតមនូវអាហារមួយចំនួន ជាពិសេសសណ្ដែកសៀង និងការប្រើប្រាស់ថ្នាំមួយចំនួន នឹងអាចអោយបែកគ្រាប់ឈាម ស្លេកស្លាំង ល្ហិតល្ហៃ ធ្ងន់ធ្ងរអាចដល់បញ្ចូលឈាម។
សូមបញ្ជាក់ថា បើតាមប្រភពពី ទំព័រហ្វេសប៊ុក បន្ទប់ពិគ្រោះជំងឺកុមារ វត្តអង្គតាមិញដដែលបន្តថា ការព្យាបាលមិនមានអោយជាដាច់នោះទេ ព្រោះវាជាជំងឺតំណពូជ។
វិធីល្អបំផុត គឺជៀសវាងសណ្ដែកសៀង បបរសណ្ដែក ថ្នាំមួយចំនួនផងដែរ។ ដូច្នេះរាល់ពេលប្រើប្រាស់ថ្នាំសូមជួបគ្រូពេទ្យកុមារ និងបង្ហាញពីជំងឺទៅដល់គាត់។
