- 2019-01-28 04:40:00
- សេដ្ឋកិច្ច
តិចមិនដឹង! មូលហេតុនេះហើយ ទើបសេដ្ឋកិច្ចកម្ពុជាកើន ក្នុងរយៈពេល ២០ឆ្នាំ
- 2019-01-28 04:40:00
- ចំនួនមតិ 0 | ចំនួនចែករំលែក 0
តិចមិនដឹង! មូលហេតុនេះហើយ ទើបសេដ្ឋកិច្ចកម្ពុជាកើន ក្នុងរយៈពេល ២០ឆ្នាំ
ចន្លោះមិនឃើញ
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឯកឧត្ដមបណ្ឌិតអូន ព័ន្ឋមុនីរ័ត្នបានបង្ហើបពីមូលហេតុសំខាន់ៗ ដែលធ្វើឲ្យសេដ្ឋកិច្ចកម្ពុជាសម្រេចបានកំណើនជាង៧ភាគរយ ក្នុងរយៈពេលជាងពីរទសវត្សរ៍កន្លងមកនេះ។ នេះបើតាមការចុះផ្សាយរបស់គេហទំព័រ propertyarea.asia ។
ឯកឧត្ដម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ឲ្យដឹងកាលពីពេលថ្មីៗនេះថា កត្តាដែលនាំឱ្យកម្ពុជាសម្រេចបាននូវការអភិវឌ្ឍន៍សេដ្ឋកិច្ច និងសង្គមដោយជោគជ័យ ក្នុងអត្រាកំណើនសេដ្ឋកិច្ចជាមធ្យមប្រចាំឆ្នាំ ៧% ក្នុងរយៈពេលជាង២ទសវត្ស កន្លងមកនេះ បានកើតចេញពីការខិតខំប្រឹងប្រែងរបស់រាជរដ្ឋាភិបាល និងជាការខិតខំរបស់រដ្ឋបាលគយ និងរដ្ឋាករកម្ពុជា។
ការអនុវត្តកំណែទម្រង់ហិរញ្ញវត្ថុសាធារណៈ ពិសេសយុទ្ធសាស្ត្រកៀរគរចំណូល រយៈពេលមធ្យម ២០១៤-២០១៨ និងកម្មវិធីកែទម្រង់ និងទំនើបកម្មគយ ក្នុងរយៈពេល៥ឆ្នាំចុងក្រោយនេះ ។
ឯកឧត្ដមបន្តថា ចំណូលប្រមូលដោយរដ្ឋបាលគយ បានកើនឡើងទ្វេដង ដូច្នេះរដ្ឋបាលគយ និងរដ្ឋាករកម្ពុជា ត្រូវបន្តកំណែទម្រង់ និងការទំនើបកម្មបន្ថែមទៀត តាមរយៈការកសាងធនធានមនុស្ស ការបំពាក់បរិក្ខារ និងមធ្យោបាយការងារ រួមទាំងប្រព័ន្ធព័ត៌មានវិទ្យា ឲ្យកាន់តែសកម្មថែមទៀត ដើម្បីឆ្លើយតបនឹងការផ្លាស់ប្ដូរទម្រង់ និងអភិវឌ្ឍឥតឈប់ឈរនៃសេដ្ឋកិច្ច ការវិនិយោគ និងពាណិជ្ជកម្ម។
ប្រតិភូរាជរដ្ឋាភិបាលទទួលបន្ទុក ជាអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា លោក គុណ ញឹម បានមានប្រសាសន៍ថា ទន្ទឹមនឹងការអនុវត្តតួនាទី និងភារកិច្ចស្នូល ក្នុងការប្រមូលពន្ធ និងអាករចូលថវិកាជាតិ។
រដ្ឋបាលគយ និងរដ្ឋាករកម្ពុជា កំពុងបន្តសកម្មភាពកែទម្រង់ និងទំនើបកម្ម ដើម្បីឆ្លើយតប នឹងការវិវឌ្ឍ និងការអភិវឌ្ឍកាន់តែរីក ចម្រើននៃសេដ្ឋកិច្ចវិនិយោគ និងពាណិជ្ជកម្ម។
ជាក់ស្ដែងការបំពាក់នាវាល្បាតគយ ចំនួន ២គ្រឿង ដែលជាជំនួយរបស់រដ្ឋាភិបាលជប៉ុន ផ្ដល់ជូនរាជរដ្ឋាភិបាលកម្ពុជា ជាការចូលរួមចំណែកយ៉ាងសំខាន់បន្ថែមទៀត ក្នុងការពង្រឹងសមត្ថភាព និងប្រសិទ្ធភាព ក្នុងការបង្ការទប់ស្កាត់ និងបង្ក្រាបអំពើរត់គេចពន្ធនៅក្នុងភូមិសាស្ត្រសមុទ្ទ និងតំបន់ឆ្នេរនៃកម្ពុជា ហើយក៏អាចចូលរួមក្នុងការ ពង្រឹងសន្តិសុខលំហសមុទ្រកម្ពុជាផងដែរ៕
