- 2019-01-29 07:04:15
- ព័ត៌មាន
ស្ងាត់ៗ Wing បរិច្ចាគ ៣៥០០០ ដុល្លារដល់សមាគមរោងចក្រកាត់ដេរក្រោមហេតុផលសំខាន់ៗ ២
- 2019-01-29 07:04:15
- ចំនួនមតិ 0 | ចំនួនចែករំលែក 0
ស្ងាត់ៗ Wing បរិច្ចាគ ៣៥០០០ ដុល្លារដល់សមាគមរោងចក្រកាត់ដេរក្រោមហេតុផលសំខាន់ៗ ២
ចន្លោះមិនឃើញ
វីង បរិច្ចាគប្រាក់ ៣៥០០០ ដុល្លារអាមេរិក សម្រាប់លើកកម្ពស់ប្រព័ន្ធអប់រំ និងសេវាថែទាំសុខភាព របស់សមាគមរោងចក្រកាត់ដេរនៅកម្ពុជា (GMAC) ដែលនេះជាផ្នែកមួយនៃការយកចិត្តទុកដាក់ខ្ពស់ចំពោះសកម្មភាពទំនួលខុសត្រូវសង្គម របស់ វីង ដល់សមាគមរោងចក្រកាត់ដេរនៅកម្ពុជា (GMAC)។
កាលពីឆ្នាំ ២០១៨ ធនាគារឯកទេស វីង និង GMAC បានរួមសហការ និងប្តេជ្ញាចិត្តរួមគ្នា ផ្តួចផ្តើមសកម្មភាពទំនួលខុសត្រូវសង្គម (CSR) ក្នុងការបង្កើតមូលនិធិ ដែលផ្ដល់អត្ថប្រយោជន៍ដល់កម្មកររោងចក្រកាត់ដេររបស់ GMAC។ ជាពិសេសជាងនេះទៅទៀត មូលនិធិនេះត្រូវបានបម្រុងទុក សម្រាប់ការទិញសៀវភៅ ការសាងសង់បណ្ណាល័យ និងគាំទ្រដល់វគ្គបណ្តុះបណ្តាលផ្សេងៗទៀត។
Wing និងសមាគមរោងចក្រកាត់ដេរនៅកម្ពុជា មានទំនាក់ទំនងយ៉ាងជិតស្និទ្ធ ជាមួយសហគមន៍ដែលពួកគេបានផ្ដល់សេវាជូន និងយល់ច្បាស់អំពីការនាំមកនូវផលប្រយោជន៍ចំពោះសហគមន៍ តាមរយៈការពាំនាំធនធានរបស់ពួកគេ សម្រាប់មូលហេតុសក្ដិសម មានដូចជាការអប់រំ និងការថែទាំសុខភាព។
លោក ម៉ានូ រ៉ាចាន់ អគ្គនាយកពាណិជ្ជកម្មធនាគារឯកទេសវីង បានប្រសាសន៍ថា វីង មានក្តីរំភើបខ្លាំងណាស់ ដែលបានធ្វើការជាមួយ GMAC ក្នុងនាមជាក្រុមហ៊ុនក្នុងស្រុកមួយ ដែលធ្វើការដើម្បីប្រជាជនកម្ពុជា ក្នុងការរួមចំណែកក្នុងសង្គម សម្រាប់ផលប្រយោជន៍របស់សមាជិក GMAC ទាំងអស់ ហើយសំខាន់បំផុតនោះ គឺកម្មកររោងចក្ររាប់ពាន់នាក់។
លោកឧកញ៉ា វ៉ាន់ ស៊ូអៀង ប្រធានសមាគមរោងចក្រកាត់ដេរនៅកម្ពុជាបានមានប្រសាសន៍ថា មូលនិធិដែលបានចូលរួមនេះនឹងត្រូវបានប្រើប្រាស់ប្រកបដោយប្រសិទ្ធភាព និងតម្លាភាពបំផុត ដោយវិទ្យាស្ថានបណ្តុះបណ្តាលវិជ្ជាជីវៈវាយនភ័ណ្ឌ (CGTI) ក្នុងកិច្ចខិតខំប្រឹងប្រែងអភិវឌ្ឍធនធានមនុស្សរបស់ខ្លួនដើម្បីគាំទ្រដល់ការរីកចម្រើននិងការអភិវឌ្ឍឧស្សាហកម្មកាត់ដេរក៏ដូចជាសេដ្ឋកិច្ចរបស់កម្ពុជាទាំងមូល។
បន្ថែមពីលើការបរិច្ចាកប្រាក់ឧបត្ថម្ភ របស់ធនាគារឯកទេស វីង ម្សិលមិញនេះ ក៏មានពិធីចុះហត្ថលេខា ក្នុងការពង្រីកនូវភាពជាដៃគូយូរអង្វែងរវាង វីង និង GMAC រហូតដល់ឆ្នាំ ២០១៩ ដែលភាពជាដៃគូនេះ បានចាប់ផ្តើមឡើងតាំងពីឆ្នាំ ២០១៦ មកម្ល៉េះ៕