- 2019-01-29 07:19:51
- ព័ត៌មាន
ម៉ាឡេស៊ីដាក់ចេញផែនការរយៈពេល ៥ឆ្នាំប្រឆាំងអំពើពុករលួយក្នុងរដ្ឋាភិបាល
- 2019-01-29 07:19:51
- ចំនួនមតិ 0 | ចំនួនចែករំលែក 0
ម៉ាឡេស៊ីដាក់ចេញផែនការរយៈពេល ៥ឆ្នាំប្រឆាំងអំពើពុករលួយក្នុងរដ្ឋាភិបាល
ចន្លោះមិនឃើញ
រដ្ឋាភិបាលប្រទេសម៉ាឡេស៊ី បានដាក់ចេញផែនការរយៈពេល ៥ឆ្នាំរបស់ខ្លួនដើម្បីប្រឆាំងអំពើពុករលួយ ក្រោយមានរឿងអាស្រូវអំពើពុករលួយរាប់ពាន់លានដុល្លារក្នុងរដ្ឋាភិបាលមុន។
ផែនការដែលត្រូវបានចេញដោយនាយករដ្ឋមន្ត្រី Mahathir Mohamad នាថ្ងៃអង្គារនេះ នឹងរួមបញ្ជូលការផ្លាស់ប្ដូរដំណើរការតែងតាំងមុខតំណែងសំខាន់ៗ, ការតម្រូវឲ្យសមាជិកសភា និងរដ្ឋមន្ត្រីប្រកាសទ្រព្យសម្បត្តិ និងការបង្កើតច្បាប់ថ្មីដើម្បីគ្រប់គ្រងមូលនិធិនយោបាយជាដើម។ នាយករដ្ឋមន្ត្រីរូបនេះ ថ្លែងថាម៉ាឡេស៊ីត្រូវប្រើគ្រប់មធ្យោបាយ, ច្បាប់ និងការរឹតបន្ដឹងដើម្បីដោះស្រាយបញ្ហាអំពើពុករលួយ។ លោកបន្ថែមនៅក្នុងសុន្ទរកថាមួយថា "ផែនការនេះ គឺជាសេចក្ដីថ្លែងការណ៍ដ៏រឹងមាំមួយពីរដ្ឋាភិបាលបច្ចុប្បន្នដែលយើងនឹងតាមដាន និងកាត់ទោសជនល្មើសកន្លងមក ខណៈដែលជនល្មើសនាពេលបច្ចុប្បន្ន និងអនាគត នឹងប្រឈមមុខវិធានការដ៏ធ្ងន់ធ្ងរ។”
គួរឲ្យដឹងថា ផែនការថ្មីនេះ ត្រូវបានដាក់ចេញក្រោយមានបញ្ហាចម្រូងចម្រាសនៅក្នុងរដ្ឋាភិបាលមុនដែលដឹកនាំដោយលោក Najib ត្រូវបានចាប់ខ្លួនដោយរកឃើញថាពាក់ព័ន្ធនឹងរឿងអាស្រូវលួចលុយពីមូលនិធិ 1MDB (1Malaysia Development Berhad) ៕
ចុចអាន ៖