- 2019-01-31 02:52:57
- ការអប់រំ
គ្រូអក្សរសាស្ត្រខ្មែរមួយរូប ដណ្តើមបានពានរង្វាន់លេខ១ ផ្នែកតែងកំណាព្យ
- 2019-01-31 02:52:57
- ចំនួនមតិ 0 | ចំនួនចែករំលែក 0
គ្រូអក្សរសាស្ត្រខ្មែរមួយរូប ដណ្តើមបានពានរង្វាន់លេខ១ ផ្នែកតែងកំណាព្យ
ចន្លោះមិនឃើញ
លោកគ្រូ ខឹក ហ៊ន សាស្ត្រាចារ្យអក្សរសាស្ត្រខ្មែរ នៃវិទ្យាល័យសម្តេចឪ ស្រុកសំរោង ខេត្តតាកែវ បានជាប់ជយលាភីលេខ១ កម្មវិធីប្រកួតប្រជែងតែងនិពន្ធកំណាព្យខ្មែរ ដែលរៀបចំដោយបណ្ណាល័យបញ្ញវន្ត នៅថ្ងៃទី ២៦ ខែមករា ឆ្នាំ ២០១៩។
កម្មវិធីប្រគល់ពានរង្វាន់នេះត្រូវបានធ្វើឡើងក្រោមអធិបតីភាពលោក ជ័យ ចាប រដ្ឋលេខាធិការក្រសួងអប់រំ យុវជននិងកីឡា នៅសាកលវិទ្យាល័យបញ្ញាសាស្ត្រ។
លោកគ្រូ ខឹក ហ៊ន បានបង្ហាញអារម្មណ៍រំភើបរីករាយ ដែលទទួលបានពានរង្វាន់ផ្នែកតែងកំណាព្យ ខណៈពីមុនពុំដែលមានឱកាសប្រកួតប្រជែង ដោយសារជាប់បង្រៀនសិស្ស និងមានការកំណត់អាយុបេក្ខជនប្រលង។ លោកបានជ្រើសរើសប្រធានបទ គុណតម្លៃនៃបណ្ណាល័យ យកមកបរិយាយជាកាព្យពាក្យ៧ និងផ្ដោតលើអត្ថន័យបីធំៗ៖
មានបទពិសោធន៍បង្រៀនសិស្សជាង ២៨ឆ្នាំ លោកគ្រូ ខឹក ហ៊ន ចង់ឲ្យមានកម្មវិធីប្រលងបែបនេះច្រើនទៀតក្នុងគោលបំណងលើកកម្ពស់អក្សរសាស្ត្រខ្មែរ និងការតែងកំណាព្យ។
អ្នកស្រី ស សុខខេង នាយិកាវិទ្យាល័យសម្ដេចឪឲ្យដឹងថា លោកគ្រូ ខឹក ហ៊ន តែងតែមានស្នាដៃល្អជាច្រើន និងឧស្សាហ៍ព្យាយាម ក្នុងការបង្ហាត់បង្រៀនសិស្សគ្រប់ជំនាន់ ដោយទទួលបានជយលាភីជាច្រើនជំនាន់ ក្នុងការប្រកួតប្រជែងកម្មវិធីតែងនិពន្ធ តែងកំណាព្យ និងអក្សរសាស្ត្រតែងសេចក្ដីផងដែរ ក្នុងការប្រកួតប្រជែងប្រឡងថ្នាក់ស្រុក ថ្នាក់ខេត្ត និងថ្នាក់ជាតិផងដែរ។
អ្នកស្រីចាត់ ទុកស្នាដៃទាំងនេះរបស់លោកគ្រូ ជាមោទនភាព នៃសាលានិងកូនសិស្សគ្រប់ជំនាន់។ គ្រូល្អ សិស្សពូកែ សិស្សពូកែ មានគ្រូល្អ និងការយកចិត្តទុកដាក់ខិតខំរៀនសូត្ររបស់ប្អូនៗនាំឲ្យប្អូនៗក្លាយជាសិស្សពូកែ៕