- 2019-01-31 06:51:19
- ព័ត៌មាន
ហ្វីលីពីនវាយប្រហារផ្លូវអាកាសលើក្រុមសកម្មប្រយុទ្ធ សង្ស័យនៅពីក្រោយការបំផ្ទុះគ្រាប់បែក
- 2019-01-31 06:51:19
- ចំនួនមតិ 0 | ចំនួនចែករំលែក 0
ហ្វីលីពីនវាយប្រហារផ្លូវអាកាសលើក្រុមសកម្មប្រយុទ្ធ សង្ស័យនៅពីក្រោយការបំផ្ទុះគ្រាប់បែក
ចន្លោះមិនឃើញ
កងទ័ពហ្វីលីពីន បានបើកការវាយប្រហារផ្លូវអាកាសទៅលើក្រុមសកម្មប្រយុទ្ធក្នុងតំបន់មួយដែលត្រូវសង្ស័យថាជាអ្នកស្ថិតពីក្រោយការបំផ្ទុះគ្រាប់បែកនៅព្រះវិហារមួយកាលពីថ្ងៃអាទិត្យសប្ដាហ៍មុន។
យោងតាមសារព័ត៌មានក្នុងតំបន់ឲ្យដឹងថា កងទ័ពហ្វីលីពីនបានបើកការវាយប្រហារក្ដៅៗទៅលើក្រុមសកម្មប្រយុទ្ធ Abu Sayyaf នៅភាគខាងត្បូងខេត្ត Sulu រួមទាំងការវាយប្រហារផ្លូវអាកាសនៅទីក្រុង Jolo កាលពីថ្ងៃអង្គារ។ ការវាយប្រហារនេះ ត្រូវបានបង្គាប់ដោយប្រធានាធិបតីហ្វីលីពីនលោក រ៉ូឌ្រីហ្គោ ឌូតឺតេ ដើម្បីកម្ទេចក្រុម Abu Sayyaf ចេញឲ្យអស់ពីក្រុងប្រទេស។ យ៉ាងណាមិញ ក្រុមអ្នកស៊ើបអង្កេតនៅតែបន្ដធ្វើការស្វែងរកជនសង្ស័យផ្សេងទៀតដែលអាចនៅពីក្រោយការវាយប្រហារនៅព្រះវិហារនេះ រួមទាំងប្ដីប្រពន្ធមួយគូ ដែលត្រូវសង្ស័យថាកាន់គ្រាប់បែកអត្ដឃាតចូលក្នុងវិហារ។
គួរឲ្យដឹងថា យ៉ាងហោចណាស់មនុស្ស ២១នាក់ត្រូវបានសម្លាប់ និង៧០នាក់ផ្សេងទៀតរងរបួស ក្រោយការបំផ្ទុះគ្រាប់បែកផ្ទួនៗគ្នាពីរលើកនៅវិហារសាសនាកាតូលិកមួយក្នុងប្រទេសហ្វីលីពីនកាលពីថ្ងៃអាទិត្យសប្ដាហ៍មុន៕
ចុចអាន ៖