- 2019-02-08 02:46:20
- ស្នេហា
ប្រាប់ក្រមុំៗឲ្យខ្មាសគេម្ដង! ប្រុសៗពេលចង់បានប្រពន្ធខ្លាំង ដឹងតែចេញចរិត៦យ៉ាងនេះហើយ
- 2019-02-08 02:46:20
- ចំនួនមតិ 0 | ចំនួនចែករំលែក 0
ប្រាប់ក្រមុំៗឲ្យខ្មាសគេម្ដង! ប្រុសៗពេលចង់បានប្រពន្ធខ្លាំង ដឹងតែចេញចរិត៦យ៉ាងនេះហើយ
ចន្លោះមិនឃើញ
តើនៅពេលមនុស្សប្រុសពេញវ័យ សមល្មមដល់ពេលចង់បានប្រពន្ធ តែងបង្ហាញចរិតបែបណាខ្លះទៅ? ថ្ងៃនេះ Sabay សូមទម្លាយចរិតពិតរបស់បុរសពេលចង់បានប្រពន្ធ ប្រាប់មិត្តៗនារីដូចខាងក្រោមនេះ៖
១. នឹកកូនក្រមុំគេឡើងរវើរវាយឃើញត្រឹមដំបូលផ្ទះក៏អស់ចិត្ត៖ ដល់ដំណាក់កាលមួយចង់បាននារី ណាម្នាក់មកធ្វើជាគូគាប់ទ្រនាប់ទ្រូងខ្លាំងពេល រហូតដល់ថ្នាក់អង្គុយតែនឹកគេបាយមិននឹក ទឹកមិនស្រេក។ ជួនកាលបើថា បានស្គាល់ផ្ទះគេបានត្រឹមជិះកាត់ ឃើញដំបូលផ្ទះក៏អស់ចិត្តហើយ។
២. លែងមើលឃើញអ្នកណាស្អាតក្រៅពីម្នាក់ហ្នឹង៖ ពេលដែលស្រលាញ់នារីណាម្នាក់ពិតប្រាកដហើយ ទោះមាននារីផ្សេងស្អាតជាង១០០ដងទៀតក៏លែងមានន័យហើយ។ ក្នុងចិត្តគិតប៉ងតែនាងម្នាក់ទន្ទឹងយប់ថ្ងៃ ចង់បាននាងមករួមរស់ជាគូអស់មួយជីវិត។
៣. ពីខ្ជិលបំផុត ក្លាយជាមនុស្សឧស្សាហ៍ខ្លាំងស្ទើរមិនគួរឲ្យជឿ៖ ពីមុនការងារផ្ទះជួនក៏ធ្វើ ជួនក៏អត់ តែពេលចង់បានប្រពន្ធខ្លាំងហើយ មិនថាការងារកំប៉ិកកំប៉ុកប៉ុណ្ណាទេ គឺស្រវាធ្វើមិនចាំបាច់អ្នកណាប្រាប់។ ហេតុផលនេះក៏ព្រោះតែចង់យកចិត្តឪពុកម្ដាយ ចង់បង្ហាញថា ការងារអ្វីក៏ចេះធ្វើដែរ ល្មមអាចចិញ្ចឹមកូនក្រមុំគេរស់ហើយ។
៤. លែងសូវលេងសើចច្រើនអត់ប្រយោជន៍ដូចមុន៖ ពីមុនអាចថា មិនទាន់ខ្វល់ខ្វាយរឿងគូស្រករអ្វីចេះតែលេងសើចច្រើនជាមួយមិត្តភក្ដិ ដើរលេងផឹកស៊ី ជួនកាលក៏ដើរដាច់យប់។ ប៉ុន្តែតាំងពីកើតមានចិត្តចង់បានប្រពន្ធមក ផ្លាស់ប្ដូរអត្តចរិតឯកឯង មិនចាំបាច់មានគ្រូអាចារ្យណាមកប្រដៅទេ។
៥. ចេះសន្សំលុយកាក់៖ ចង់បានប្រពន្ធបើអត់លុយផងធ្វើអីចេញ មិនមែនពឹងឪពុកម្ដាយទាំងស្រុងឯណា យ៉ាងហោចណាស់ក៏បានត្រឹម១០% នៃថ្លៃទឹកដោះសរុបដែរ។ ដូច្នេះហើយបុរសៗភាគច្រើន ឲ្យតែចង់បានប្រពន្ធ ចាប់ផ្ដើមចេះសន្សំលុយ ចេះដាក់ផែនការចាយវាយច្បាស់លាស់ មិនមែនចាយលុយសល់ថ្ងៃដូចពីមុនទៀតទេ។
៦. រំអុកម៉ែឲ្យចូលស្ដីដណ្ដឹងមួយថ្ងៃចង់ដប់ដងខ្លាចគេយកបាត់៖ ដល់ដំណាក់កាលមួយដែលគិតថា សមល្មមនឹងអាចយកប្រពន្ធបានហើយ មិនថាកំលោះណាទេ គឺទៅនិយាយប្រាប់ត្រង់ៗតែម្ដង ឲ្យប្រញាប់ចូលចែចូវ ព្រោះខ្លាចគេដណ្ដឹងបាត់។
