- 2019-02-08 03:00:00
- ព័ត៌មាន
ក្រសួងបញ្ជាក់ថា ទិវានៃក្ដីស្រលាញ់ មិនមែនជាប្រពៃណីខ្មែរទេ សូមកុំភ្លើតភ្លើន ភ្លេចខ្លួន
- 2019-02-08 03:00:00
- ចំនួនមតិ 0 | ចំនួនចែករំលែក 0
ក្រសួងបញ្ជាក់ថា ទិវានៃក្ដីស្រលាញ់ មិនមែនជាប្រពៃណីខ្មែរទេ សូមកុំភ្លើតភ្លើន ភ្លេចខ្លួន
ចន្លោះមិនឃើញ
ក្រសួងអប់រំ យុវជន និងកីឡា បានចេញលិខិតមួយស្ដីពីវិធានការទប់ស្កាត់ និងបានបញ្ជាក់ពីនិយមន័យពិតនៃទិវានេះថា មិនមែនជាប្រពៃណីរបស់ខ្មែរ ដើម្បីចៀសវាងការយល់ច្រឡំ និងបង្ការសកម្មភាពមិនប្រក្រតីនានា។ ទិវានៃក្ដីស្រលាញ់ ឬភាសាអង់គ្លេស Valentine's Day នឹងចូលមកដល់នៅថ្ងៃទី១៤ ខែកុម្ភៈខាងមុខ។
ប្រភពពីទំព័រហ្វេសក្រសួងអប់រំ យុវជន និងកីឡា បានចុះផ្សាយថា ក្រសួងបានសង្កេតឃើញថា ជារៀងរាល់ឆ្នាំ នៅថ្ងៃទី ១៤កុម្ភៈ ជាឱកាសមួយធ្វើឲ្យសិស្សានុសិស្សមួយចំនួនយល់ច្រឡំ ថា បុណ្យនេះជាបុណ្យសង្សារ ឬជាថ្ងៃណាត់ជួបគ្នារវាងគូស្នេហ៍។
ក្រសួងបានបន្តថា ទិវានេះពុំមែនជាបុណ្យប្រពៃណីរបស់ជនជាតិខ្មែរយើងទេ ហើយនៅអំឡុងប៉ុន្មានឆ្នាំចុងក្រោយនេះ ទិវាបុណ្យនេះ កាន់តែមានឥទ្ធិពលធំឡើងៗ ធ្វើឲ្យយុវវ័យភ្លើតភ្លើន ភ្លេចការសិក្សាបាត់បង់សេចក្ដីថ្លៃថ្នូររបស់ខ្លួន និងក្រុមគ្រួសារ និងសង្គម។
សូមអានខ្លឹមសារលម្អិត នៃលិខិតណែនាំរបស់ក្រសួងអប់រំ យុវជន និងកីឡា ខាងក្រោម។