- 2019-02-12 02:57:49
- ព័ត៌មាន
ប្លែកបំផុត! ជ្រូកព្រៃកាន់តែច្រើនឡើង ចាប់ផ្ដើមអុកឡុកពេញទីក្រុងហុងកុង (មានវីដេអូ)
- 2019-02-12 02:57:49
- ចំនួនមតិ 0 | ចំនួនចែករំលែក 0
ប្លែកបំផុត! ជ្រូកព្រៃកាន់តែច្រើនឡើង ចាប់ផ្ដើមអុកឡុកពេញទីក្រុងហុងកុង (មានវីដេអូ)
ចន្លោះមិនឃើញ
ចំនួនសត្វជ្រូកព្រៃដែលត្រូវគេប្រទះឃើញ និងរាយការណ៍ជាច្រើន ត្រូវបានកើនឡើងជាលំដាប់នៅទីក្រុងហុងកុងប្រទេសចិនក្នុងរយៈពេល ៥ឆ្នាំចុងក្រោយនេះ។
ខណៈពេលដែលផ្ទៃដីជាង ៤០%នៃទីក្រុងហុងកុងមិនត្រូវបានអភិវឌ្ឍ ហើយជាតំបន់ព្រៃឈើ សត្វជ្រូកព្រៃកាន់តែច្រើនឡើងៗនាំគ្នាសម្រុកចូលមកកាន់ទីក្រុងដើម្បីរកចំណីតាមធុងសំរាម។ ប៉ុន្តែអ្នកជំនាញយល់ថា សត្វព្រៃទាំងនេះចូលមកកាន់ទីក្រុងដោយសារតែមនុស្សឧស្សាហ៍បោះចំណីឲ្យពួកវាស៊ីទៅវិញនោះទេ។ សត្វជ្រូកទាំងនោះចាប់ផ្ដើមលែងភ័យខ្លាចមនុស្ស ហើយស៊ាំនឹងការចូលមកកាន់ទីក្រុងបើទោះបីមានមនុស្សច្រើនយ៉ាងណាក្ដី។
យោងតាមទិន្នន័យឲ្យដឹងថា ចាប់តាំងពីឆ្នាំ ២០១៤មកជ្រូកព្រៃវាយប្រហារមនុស្សក្នុងទីក្រុងបណ្ដាលឲ្យមានរបួសស្នាមត្រឹម ១០ករណីប៉ុណ្ណោះ ដោយកាលពីឆ្នាំមុនមាន ៥ករណី។ ជាមួយគ្នាសកលវិទ្យាល័យហុងកុង បានព្រមានបុគ្គលិកនិងនិស្សិតទាំងអស់ឲ្យមានការប្រុងប្រយ័ត្នខ្ពស់ក្រោយជ្រូកព្រៃពីរក្បាលវាយប្រហារនៅជិតបរិវេណកាលពីពេលថ្មីៗនេះ។
យ៉ាងណាមិញ រដ្ឋាភិបាលក្រុងហុងកុងកំពុងយកចិត្តទុកដាក់ដោះស្រាយបញ្ហានេះដោយចាប់ផ្ដើមបំពាក់ឈីប និងប្រឡៅកដើម្បីតាមដានជ្រូកទាំងនោះជាមួយប្រព័ន្ធ GPS។ លើសពីនេះទៀត ចំពោះជ្រូកញីដែលពេញវ័យ ត្រូវបានគេចាក់ថ្នាំពន្យារកំណើតរយៈពេល ៥ឆ្នាំដើម្បីទប់ស្កាត់ការកើនឡើងនៃចំនួនជ្រូកព្រៃក្នុងទីក្រុង៕
សូមទស្សនាវីដេអូខាងក្រោម ៖
ចុចអាន ៖