- 2019-02-12 07:47:41
- ព័ត៌មាន
អតិថិជនកាន់តែងាយស្រួល និងចំណេញច្រើនពីការចាប់ដៃគូគ្នារវាងលី ហួរ វេរលុយ និងធនាគារសាខមប៊ែង
- 2019-02-12 07:47:41
- ចំនួនមតិ 0 | ចំនួនចែករំលែក 0
អតិថិជនកាន់តែងាយស្រួល និងចំណេញច្រើនពីការចាប់ដៃគូគ្នារវាងលី ហួរ វេរលុយ និងធនាគារសាខមប៊ែង
ចន្លោះមិនឃើញ
ក្រុមហ៊ុន លី ហួរ ផេប្រ៉ូ ភីអិលស៊ី(លី ហួរ វេរលុយ) ដែលជាក្រុមហ៊ុនផ្តល់សេវាផ្ទេរប្រាក់ និងទូទាត់ប្រាក់ ប្រកបដោយសុវត្ថិភាពនិង ទំនុកចិត្ត បានចុះកិច្ចព្រមព្រៀងភាពជាដៃគូជាមួយធនាគារសាខមប៊ែង (ខេមបូឌា) ភីអិលស៊ី កាលពីព្រឹកមិញនេះ ពោលគឺថ្ងៃទី១២កុម្ភៈ ឆ្នាំ២០១៩ នៅទីតាំងធនាគារ សាខមប៊ែង លើ មហាវិថីព្រះនរោត្ដម ដោយមានវត្តមានសារព័ត៌មានជាច្រើនកុះករ។ កិច្ចសហការនេះគឺជាការបោះជំហានថ្មីមួយរបស់ធនាគារ សាខមប៊ែង បន្ទាប់ពីមានវត្តមាននៅកម្ពុជាជាង ១០ឆ្នាំកន្លងមកនេះ។
ឥឡូវនេះ អតិថិជនរបស់ធនាគារសាខមប៊ែង (ខេមបូឌា) ភីអិលស៊ី អាចដកប្រាក់ ផ្ទេរប្រាក់ទៅដៃគូ បង់ប្រាក់កម្ចី កាតឥណទាន និងគណនីធនាគារសាខមប៊ែង តាមរយៈភ្នាក់ងារ លី ហួរ វេរលុយ ជាង ៤,៥០០កន្លែងទូទាំងប្រទេស។
ថ្លែងក្នុងការចុះកិច្ចព្រមព្រៀង លោកឧកញ៉ា លី សុភាព ប្រធានក្រុមប្រឹក្សាភិបាលក្រុមហ៊ុន លី ហួរ ផេប្រ៉ូ ភីអិលស៊ី (លី ហួរ វេរលុយ) បានឲ្យដឹងថា៖ «នេះជាជោគជ័យថ្មីមួយទៀតរបស់យើង ដើម្បីផ្តល់នូវសេវាកម្មកាន់តែទូលំទូលាយទៅដល់អតិថិជនជាដៃគូរបស់យើងឲ្យមានភាពងាយស្រួល សន្សំពេលវេលា និងថវិការ រហ័ស និងធានាសុវត្ថិភាព ក្នុងការទូទាត់ប្រាក់ ផ្ទេរប្រាក់ និងសេវាជាច្រើនផ្សេងទៀតតាមរយៈភ្នាក់ងារ លី ហួរ វេរលុយ ដែលមាននៅ២៥ខេត្តក្រុង ទូទាំងប្រទេស»។
លោក Mr. Phung Thai Phung អគ្គនាយករង ធនាគារសាខមប៊ែង ក៏បានថ្លែងផងដែរថា «កិច្ចសហការជាដៃគូនេះថែមទាំងបង្កឱកាសឲ្យប្រជាជនកម្ពុជាទូទាំងប្រទេស ដែលមិនមាន ឬមិនធ្លាប់ប្រើប្រាស់ សេវាកម្មធនាគារ ក្នុងការទទួលយកប្រាក់កម្ចីពីធនាគារសាខម ប៊ែង ដើម្បីពង្រីកអាជីវកម្ម ការបង់ប្រាក់កម្ចីទិញផ្ទះ ផ្គត់ផ្គង់ការរៀនសូត្រកូន និងប្រកបអាជីវកម្ម ផ្សេងៗជាច្រើនទៀត»។
សេវាហិរញ្ញវត្ថុដែលត្រូវបានផ្តល់ជូនតាមរយៈភាពជាដៃគូនេះ នឹងអនុញ្ញាតឲ្យអតិថិជនរបស់ធនាគារសាខមប៊ែង (ខេមបូឌា) ភីអិលស៊ី អាចបង់ ឬបើកប្រាក់កម្ចី តាមរយៈភ្នាក់ងារ លី ហួរ វេរលុយ ជាង ៤,៥០០កន្លែងទូទាំងប្រទេស។ អតិថិជនរបស់ ធនាគារសាខមប៊ែង (ខេមបូឌា) ភីអិលស៊ី ទាំងអស់កាន់តែងាយស្រួលជាងមុនដោយគ្រាន់តែភ្ជាប់មកជាមួយនូវព័ត៌មានដូចជា ឈ្មោះអតិថិជន លេខសម្គាល់អតិថិជន ទឹកប្រាក់ និងលេខទូរស័ព្ទ ទៅកាន់ភ្នាក់ងារ លី ហួរ វេរលុយ ដែលនៅក្បែរលោកអ្នកបំផុតជាការស្រេច។
ព័ត៌មានលម្អិតសូមទាក់ទង៖
ទីតាំង ក្រុមហ៊ុន លី ហួរ ផេប្រ៉ូភីអិលស៊ី ៖ អគារលេខ៨៥-៨៨ មហាវិថីគឺមអ៊ីលសុង (២៨៩) សង្កាត់បឹងកក់២ ខណ្ឌទួលគោក ភ្នំពេញ ទូរស័ព្ទលេខ ០៨៧ ៦០១ ១១១។
ទីតាំង ធនាគារ Sacombank Cambodia ៖ អគារលេខ៦០ មហាវិថីព្រះនរោត្តម ភ្នំពេញ ទូរស័ព្ទលេខ ០២៣ ២២៣ ៤២៣៕
