- 2019-02-20 08:30:10
- ព័ត៌មាន
ដឹងការពិតហើយ! អ្នកជំនាញបកស្រាយ រឿងផ្ទុះជំងឺប៉េសជ្រូកអាហ្វ្រិកនៅវៀតណាម
- 2019-02-20 08:30:10
- ចំនួនមតិ 0 | ចំនួនចែករំលែក 0
ដឹងការពិតហើយ! អ្នកជំនាញបកស្រាយ រឿងផ្ទុះជំងឺប៉េសជ្រូកអាហ្វ្រិកនៅវៀតណាម
ចន្លោះមិនឃើញ
ជំងឺប៉េសជ្រូកអាហ្វ្រិក (African Swine Fever) ត្រូវបានរកឃើញថាមានផ្ទុកក្នុងសត្វជ្រូកនៅកសិដ្ឋានចំនួនបីក្នុងប្រទេសវៀតណាម។
យោងតាមអាជ្ញាធរក្នុងតំបន់ឲ្យដឹងកាលពីថ្ងៃអង្គារថា ករណីជំងឺប៉េសជ្រូកដំបូងគេក្នុងប្រទេសវៀតណាមត្រូវបានរកឃើញនៅកសិដ្ឋានក្នុងខេត្ត Hung Yeng និងខេត្ត Thai Binh។ ជ្រូកទាំងអស់ដែលនៅក្នុងកសិដ្ឋានខាងលើ ត្រូវបានសម្លាប់ហើយដើម្បីបង្ការកុំឲ្យមានការឆ្លងរីករាលដាលទៅកាន់ជ្រូកដទៃទៀតក្នុងប្រទេស។ យ៉ាងណាមិញ ប្រធាននាយកដ្ឋានសុខភាពសត្វលោក Pham Van Dong ឲ្យដឹងថា ការនាំចូលសត្វគេចពន្ធតាមច្រកព្រំដែននៅតែបង្កការលំបាកសម្រាប់ការគ្រប់គ្រងមិនឲ្យជ្រូកឆ្លងជំងឺនេះ។
ផ្ទុយទៅវិញលោក Dong អះអាងថា បើទោះបីជាជំងឺនេះមិនអាចព្យាបាលលើសត្វជ្រូកយ៉ាងណាក្ដី ប៉ុន្តែវាមិនបង្កគ្រោះថ្នាក់ដល់អ្នកបរិភោគនោះទេ។ ជាមួយគ្នាដែរ លោកក៏បានអំពាវនាវឲ្យប្រជាជនវៀតណាមកុំមានការព្រួយបារម្ភ ហើយនៅតែអាចបន្ដបរិភោគសាច់ជ្រូកបានដោយចម្អិនឲ្យបានល្អ។
គួរឲ្យដឹងថា ប្រជាជនវៀតណាមបរិភោគសាច់ជ្រូកប្រមាណ ៧៥%នៃផលិតសាច់សរុប ខណៈពេលដែលជ្រូកចិញ្ចឹមក្នុងប្រទេសជាង ៣០លានក្បាលត្រូវបានសម្លាប់ជារៀងរាល់ឆ្នាំដើម្បីបំពេញតម្រូវការប្រជាជនជាង ៩៥លាននាក់៕