- 2019-02-27 03:12:29
- ព័ត៌មាន
មកមើល ភាពខុសគ្នាស្រឡះនៃហាណូយពីធ្វើសង្គ្រាមជាមួយអាមេរិក មកជាម្ចាស់ផ្ទះជំនួបកំពូល
- 2019-02-27 03:12:29
- ចំនួនមតិ 0 | ចំនួនចែករំលែក 0
មកមើល ភាពខុសគ្នាស្រឡះនៃហាណូយពីធ្វើសង្គ្រាមជាមួយអាមេរិក មកជាម្ចាស់ផ្ទះជំនួបកំពូល
ចន្លោះមិនឃើញ
កាលពីថ្ងៃទី ១៨ខែធ្នូឆ្នាំ ១៩៧២ យន្ដហោះទម្លាក់គ្រាប់បែក B-52 ពីរគ្រឿងរបស់អាមេរិកបានបើកការវាយប្រហារមកលើទីក្រុងហាណូយនៃភាគខាងជើងប្រទេសវៀតណាម។
នៅក្នុងសង្គ្រាមដែលសម្លាប់ទាហាន និងប្រជាជនវៀតណាមចន្លោះពី ៩៦៦ ០០០នាក់ទៅ ៣,៨លាននាក់ បានកែប្រែមុខមាត់ប្រទេសកុម្មុយនិស្តមួយនេះចាប់តាំងពេលនោះមក។ ទីក្រុងហាណូយដែលមានប្រជាជនត្រឹមតែ ៥៣ ០០០នាក់កាលពីឆ្នាំ ១៩៥៤ ឥឡូវនេះមានរហូតដល់ជាង ៧លាននាក់ជាមួយទំហំជាង ៣ពាន់គីឡូម៉ែត្រការ៉េ។ អគារខ្ពស់ៗជាច្រើន ចាប់ផ្ដើមរីកដុះដាលពេញទីក្រុង និងជាយក្រុងអមទៅដោយហាងនិងភោជនីយដ្ឋានគ្រប់ទីកន្លែង។
ក្រោយការបញ្ចប់សង្គ្រាមមក ការរីកចម្រើនរបស់វៀតណាមត្រូវបានគេជឿថាដោយសារតែកំណែទម្រង់សេដ្ឋកិច្ច Doi Moi រហូតធ្វើឲ្យហាណូយក្លាយជាម្ចាស់ផ្ទះនៃជំនួបកំពូលរវាងប្រធានាធិបតីអាមេរិក និងមេដឹកនាំកូរ៉េខាងជើង។ សម្រាប់រដ្ឋាភិបាលក្រុងវ៉ាស៊ីនតោនវិញ វៀតណាមគឺជាឧទាហរណ៍យ៉ាងច្បាស់មួយបង្ហាញថាការស្អប់ និងគំនុំរវាងគ្នានឹងគ្នាមិនអាចស្ថិតស្ថេរជារៀងរហូតនោះទេ។ សម្រាប់រដ្ឋាភិបាលក្រុងព្យុងយ៉ាងវិញ នេះគឺជាភ័ស្ដុតាងបង្ហាញថាប្រព័ន្ធបក្សតែមួយអាចគ្រប់គ្រងសេដ្ឋកិច្ចដ៏រស់រវើក។
ឥឡូវនេះទីក្រុងហាណូយមិនមែនជាជនរងគ្រោះនៃសង្គ្រាមទៀតឡើយ ប៉ុន្តែជាទីក្រុងមួយដ៏ទាន់សម័យដែលនឹងធ្វើឲ្យមេដឹកនាំប្រទេសទាំងពីរមានការភ្ញាក់ផ្អើល។ ពួកគេនឹងឃើញទីក្រុងមួយដែលបានជាសះស្បើយពីសង្គ្រាមដ៏សាហាវ ហើយកំពុងរីកចម្រើននៅក្នុងសេដ្ឋកិច្ចពិភពលោក៕